Home Notisia Maria do Ceu, Uniku Joven Mak Sai Membru KNDJ, Reprezenta Gabinete PM

Maria do Ceu, Uniku Joven Mak Sai Membru KNDJ, Reprezenta Gabinete PM

4006
0
Maria do Ceu, Membru Konsellu Nasional Dezenvolvimentu Juventude (Foto: Facebook Maria do Ceu)

Maria do Ceu, uniku membru  Konsellu Nasional Dezenvolvimentu Juventude (KNDJ) mak joven ho idade 25, sai nudar Reprezentante Gabinete Premeiru Ministru, Taur Matan Ruak nian. Maria do Ceu konsidera katak hetan pose ba membru KNDJ nudar responsabilidade ida atu fo hanoin ba decision maker sira kona ba importansia hosi papel juventude nudar nain ba dezenvolvimentu.

“Hau nia responsabilidade mak fo hanoin nafatin ba membru sira fotu nomos decision maker sira kona ba problema ne’ebe mak hakerek ona iha Politika Nasional Juventude tinan hirak liuba”, Maria do Ceu ho naran koinesidu Ceu ne’e esplika ba Neon Metin liu hosi entrevista via messenger, ohin (17/11).  

Ceu hakarak servisu hamutuk ho membru sira seluk ho hamosu Planu Asaun Nasional Juventude nian ida ne’ebe kondiz duni ho situasaun Timor-oan sira nian. Hau sei ezizi parte relevante sira hodi implementa Planu Asaun Juventude ne’e.

Maria do Ceu mak eis membru Parlamentu Foinsa’e Nian, eleitu hosi Posto Liquisa. Oras ne’e dadaun nia sai membru ba Alumni Parlamentu Foinsa’e Timor-Leste. Nudar joven ida mak halo atividade barak ho joven sira seluk, Ceo iha esperansa atu KNDJ bele funsiona.

“Hau hein tebes KNDJ ida ne’e funsiona hodi foti medidas ba problema juventude nian tuir estratejia sira mak enkuadra ona iha Politika Nasional Juventude. Atu nune bele fo espasu ba juventude sira dezenvolve sira-nia an iha area oioin, tuir kondisaun ne’ebe governo ida ne’e kria. Nune’e joven sira bele sai nain ba dezenvolvimentu rai ida ne’e nian”, Ceu hato’o nia esperansa.

“Hau fiar katak bainhira membru KNDJ sira tau hamutuk forsa ami sei bele. Hanesan Premeiru Ministru dehan iha intervensaun, “Imi mesak labele, hau mesak labele, hamutuk it abele”, Ceu hatutan.

Agora dadaun Ceu servisu iha UNICEF nudar Koordenador ba grupo voluntariu mak halo kampanne ba Hamutuk Ita Rezolve. Nia optimizmu tebes ho papel ne’ebe nia halo.

Print Friendly, PDF & Email

LEAVE A REPLY

Please enter your comment!
Please enter your name here