Home Notisia Covid-19, Nain 5 Kuradu Fila Hikas Ba Familia, Pasiente Provavel: Mediku Sira...

Covid-19, Nain 5 Kuradu Fila Hikas Ba Familia, Pasiente Provavel: Mediku Sira Atende Ami Ho Diak

285
0
Pasiente Covid-19 Ne'ebe kuradu iha Vera Cruz. [Foto: Francisco JDA | 25.04.2020]

Reportazen Francisco JDA

Centru Integradu Jestaun Krize ( CIJK) reintegra Pasiente nain 5,  hosi fatin izolamentu  Centru Saúde Vera Cruz.

Maluk nain 5 ne’ebe mak entrega ba familia mak hanesan provavel ema nain 4 ne’ebemak halo ona teste dala rua tutuir malu ho rezultadu negativu no nain 1 ne’ebe mak rekuperadu hosi positivu virus Corona.

Agora dadauk total ema nain 18 positivu ativu  mak sei iha fatin izolamentu hodi hein fali teste rezultadu tuir mai.

Iha intervensaun hosi Porta Voz [CIJK], Dr.Sergio Lobo ba jornalista sira hateten, hato’o agradese ba maluk provavel nain 4 hamutuk ho rekuperadu nain 1, ba sira nian kooperasaun di’ak ho governu ba evita Covid-19 tama iha Timor Leste.

“Ho teste negativu ne’ebé dala rua tutuir malu, hatudu katak sira nia imunidade di’ak, sira konsege oho duni virus ne’e iha sira nia isin laran”, tenik Porta Voz CIJK iha Sentru Saúde Vera Crus, 25/04

Dr. Sergio realsa tan katak governu no Centru Integradu Jestaun Krize atu konteina nafatin, fo fasilidade no kria kondisaun nune’e ba ema hotu ne’ebé hetan infesaun bele hetan tratamentu ho di’ak, proteze ema iha izolamentu kuarentena no proteze komunidade tomak.

Iha fatin hanesan reprezentante pasiente provavel ne’ebé la fo sai naran ba jornalista sira dehan, nia parte hato’o agradese ba governu no CIJK ne’ebé durante ne’e servisu makas hodi halo tratamentu ba sira.

“Iha ne’e pesosal médiku  sira nia tratamentu masimu no di’ak, la’ós fo tratamentu hosi aimoruk, ami iha ne’e bainhira iha isin manas sira fo aimoruk isin manas nian, bainhira mear sira fo aimoruk mear nian, tanba iha li’ur komunidade dehan aimoruk virus la iha oinsá mak sira diak, los duni aimoruk la iha maibé iha ne’e kazu provavel no ami nia imunidade makaas, hosi ami nia imunidade ne’e bele oho rasik virus ne’e”,  tenik Pasiente Provavel iha Vera Cruz.

Print Friendly, PDF & Email

LEAVE A REPLY

Please enter your comment!
Please enter your name here