Home Notisia SEKOMS Relata Rezultadu Database Arkiva Notísia Hodi Kombate Informasaun Falsu

SEKOMS Relata Rezultadu Database Arkiva Notísia Hodi Kombate Informasaun Falsu

963
0
Xefe Gabinete SEKOMS, Jose da Conceição. [FotoL Joselina | 27.08.2021]

Reportajen Joselina dos Santos

Sekretáriu Estadu Komunikasaun relata rezultadu husi kria data bas arkiva notísia, liuhusi konferénsia imprensa Xefe Gabinete, Jose da Conceição hateten SEKOMS kria database arkiva notísia ho objetivu atu kombate hoax ka informasaun falsu, hodi hasa’e koñesimentu komunidade sira nian, aproveita masimiza internet ba atividade pozitivu.

Nia dehan objetivu husi sensibilizasaun atu afirma ba públiku katak kampaña nu’udar meius edukasaun sívika hodi informa, inspira no mobiliza komunidade sira, atu hamriik kontra Hoax no hasae koñesimentu komunidade nian uza internet ho pozitivu.

“Sensibilizasaun ba kampaña hoax fo atensaun liu ba koñese tipu notísias no informasaun hoax, notísias no informasaun sira ne’ebé la bazeia ba faktus no dadus. Informasaun sira ne’ebé manipula no inventa de’it dadus no faktus sira, la prenxe kritériu cover both side, ka publika husi parte ida de’it. Informasaun sira ne’ebé dun matak, diskrimina, hamate ka oho ema nia karakter,” hateten Xefe Gabinete Osorio Almeida iha konferénsia imprensa, iha salaun auditóriu PCM Palasiu Governu, 27/08.

Nia dehan meius ba publikasaun no fahe tutan notísias no informasaun hoax, autór ba produtór notísia no informasaun hoax utiliza meius komunikasaun sosiál oin-oin, liu husi  ibun ba ibun ka verbal, liu husi media konvensionál sira hanesan TV, rádiu, jornál, tabloid, Bulletin. Utiliza plataforma media no meius komunikasaun digital hanesan Facebook, Email, WA, Twitter no aplikasaun digital sira seluk tan.

Nia informa katak impaktu negativu husi notísias no informasaun hoax mak, sidadaun lakon sira nia direitu fundamental atu asesu no hetan informasaun ne’ebé loos no kredivel. Hamosu impaktu ne’ebé ladiak ka efeitu negativu ba ema nia saúde mental, notísia ka informasaun hoax mos bele hamosu ódiu, intoleránsia no violénsia entre indivíduu ka sidadaun, no sosiedade, informasaun hoax mós bele  empata dezenvolvimentu tanba bele halo sidadaun lakon fiar ba governu no estadu.

Xefe Gabinete husu komunidade sira, labele fiar lalais no tolan tomak de’it notísias no informasaun sira,  liu-liu husi fonte no medida ne’ebé mak la klaru. Tanba iha era digital fó espasu livre no luan tebes ba ema ida-idak, sai mós autór ba prodúz, publika no fahe ba malu notísias no informasaun liu husi media sosial, media online  no liu husi plataforma komunikasaun baze internet.

Print Friendly, PDF & Email

LEAVE A REPLY

Please enter your comment!
Please enter your name here