Reportajen Umbelina dos Reis
Membru Organizasaun Arte Marsiais persaudara setia hati terate (PSHT), ne’ebé ilegalmente ba tuir graduasaun iha Indonézia Atambua Madium (KRAM), konsidera falta desobedensia ba orden estadu nian, nunee fila mai neineik sei simu sansaun, tanba rezolusaun 22/2025, hateten kontinua suspende pratika arte marsiais iha ita konstituisaun republika demokratika Timor-Leste.
Prezidente KRAM Octavio da Conceição hateten, graduasaun persaudara setia hati terate (PSHT), nia membru ba halo graduasaun iha Indonézia Atambua ne’e komisaun reguladora arte marsiais akompaiña prosesu nune’e KRAM liuhosi orientasaun Ministériu juventude desportu arte cultura kontinua kopera servisu ho instituisaun estadu hotu-hotu hodi nune’e monitoriza ba atividade.
” Membru sira ne’ebe ilegalmente ba tuir graduasaun iha Indonézia ne’e falta dezobedensia ba orden estadu nian, tanba rezolusaun 22/2025, 22 fevereiru hateten kontinua suspende pratika arte marsiais iha ita nia rai.” Dehan prezidente komisaun regulador arte marsiais (KRAM), Octavio da Conceição ba jornalista sira iha edifísiu MJDAK, Largo Lecidere, kuarta-feira, 13/08.
Bainhira movimentu umanus sira iha mundu ultrapasa ho fronteira tenki ho dokumentu hanesan pasaporte ne’e legal, tanba bainhira ita viajen ba ema nia rai dalan nakloke ba movimentu umanu nia autoriza iha mundu. maibé bainhira ba halo atividade pratika iha rai liur depois fila mai sama ain iha Timor-Leste saida mak ita komete ne’e ilegal, tanba estadu iha obrigasaun hodi kontrola ita.
“Tanba foin lalalis komandu polisia emigrasaun iha fronteira Salele, Batugade no Aeroporto kaptura ema na’in 200 ital, no funsionariu sese mak husu lisensa hodi ba tuir graduasaun iha Indonézia ne’e ita hatene no dokumentus kompletu maibé somente la’os ha’u nia kompetensia ba direita maibé KRAM só kopera ho Ministériu relevante nune’e prosesu prosedimentu ne’e lao tuir nia dalan nune’e maluk sira ne’ebe foin lalais ba tuir graduasaun ne’e sei hetan responsabilidade tuir ida-idak nia knaar.” Nia informa.
Nia dehan, funsionariu balun ne’ebé liuhosi instituisaun estadu hanesan Polisia Nasional Timor-Leste (PNTL) no F-FDTL mak ba tuir graduasaun ilegalmente iha rai liur mos sei hetan sansaun liuhosi nia instituisaun, tanba lei bandu dehan labele ba tuir graduasaun iha liur maibé ita kontra kontinua ba nafatin nune’e fila mai hakarak ka lakohi tenki simu sansaun.
” Tanba funsionariu balun ba rai liur Alaskan dehan ba konsulta saude, maibé realidade ba para hotu iha Indonézia Atambua Madium.” Nia dehan.
