Home Notisia Horta: F-FDTL nia Papél Serbí Dame no Demokrasia Iha Estadu Direitu Demokrátiku

Horta: F-FDTL nia Papél Serbí Dame no Demokrasia Iha Estadu Direitu Demokrátiku

232
0
Loron Aniversáriu transformasaun FALINTIL ba F-FDTL ba dala 22. [Foto: Media PR | 02.02.2023]

Reportajen Filomena da Conceição

iha serimónia loron Aniversáriu transformasaun FALINTIL ba F-FDTL ba dala 22, iha Quartel Jerál Fatuhada, Presidente da Repúblika, Dr.José Ramos-Horta hateten, F-FDTL nia liman hanesan misaun konstituisaun, hodi defende rai ida ne’e atu kontra hasoru agresaun ruma husi liur.

“Hau ko’alia ba imi hotu, ofisiál superior, ofisiais Sarjentu, soldadu ba imi ne’ebé  fuan ho laran ha’u espera ha’u hein hanoin i imi servi instituisaun ida, instituisaun ida ne’e FALINTIL F-FDTL, ne’ebé ke uluk liu ba halo kontribuisaun makaas ho aten barani hodi intrega an ba libertasaun pátria. Iha FDTL nia liman misaun konstituisionál atu defende rai ida ne’e kontra hasoru agresaun ruma husi liur, agresaun externu sei iha karik, sei akontese karik, nune’e mós nia defende nafatin dependensia, integridade rai ida ne’e, nune’e mós liberdade no seguransa povu nian” dehan Presidente iha ninia dikursu iha Quartel Jeneral F-FDTL Fatuhada, Kinta 2/02.

Nia esplika, ohin importante liu tan ida-idak iha F-FDTL iha nia kakutak iha neon iha hatene papel FDTL nian saida? Atu defende mós papel ida iha instituisional atu servi  damen, demokrásia iha estadu de direitu demokrátika. Povu ezije líder responsavel militár sira, kaer iha sira-nia liman, sira-nia kabaz. Instituisaun Militár tau sira ne’e wainhira tau matan ba funsaun aas sira ne’e ke nasaun fó ba sira , kaer sira nia autoridade izerse sira-nia autoridade  ou liman toos ba imi. Inspira membrus hotu-hotu Forsas Armadas, profisionalismu, rigorozu disiplina makaas.

Nia haktuir, Ita tenke  haree didiak kultura manutensaun, disiplina manutensaun tanba buat ne’ebé estadu entrega ba F-FDTL nia liman ba Forsa Armada, Polisia  ka instituisaun sira seluk ne’e Estadu nian, ne’e povu nian , se la tau matan didiak halo manutensaun,  gasta osan Estadu nian povu nian arbiru. hanesan ezemplu barak los iha rai ida ne’e.

“ita tenke hametin liu tan kordensaun dezenvolvimentu programa Militár ho rai vizinho sira  ne’ebé hakbesik ita, hanesan Autralia, Nova-Zelandia, Indonésia Japaun, Portugál, Estadus Unidos Amérika, rai balun vizinu balun, amigu bele dook maibé amigu hanesan Portugál, maibé ita nian vizinu  balun besik liu mak Australia ho Indonésia, vizinu  rua  ne’e mak nesesaria,”  esplika nia.

Nia hatutan, tinan ida ne’e (2023) F-FDTL iha orsamentu $33 miloens, tanba ne’e tenke ezekuta tuir programa, espera ke kontinua investe iha re-organizasaun  profisionalizasaun F-FDTL  hodi buka kualidade di’ak liu tan, tanba kualidade di’ak liu duké Kuantidade, menus liu duké barak liu.

Print Friendly, PDF & Email

LEAVE A REPLY

Please enter your comment!
Please enter your name here