Home Notisia PR Sei Enkontru Ho Konsellu Superior Defeza, Seguransa no Estadu Ba Pedidu...

PR Sei Enkontru Ho Konsellu Superior Defeza, Seguransa no Estadu Ba Pedidu EE Aban 5 Agostu

2073
0
Prezidente da Republika, Dr. Francisco Guterres Lu Olo. [Foto: Copyright Media PR | 27.03.2020]

Reportazen Zevonia Vieira

Relasiona ho pedidu hosi governu konaba deklarasaun ba estadu emerjensia ba periodu loron 30, iha teritoriu nasional tomak. Liu hosi komunidade imprensa hosi Casa Civil palacio prezidensia ne’ebe Neon Metin asesu informa katak artigu 85 alinea g, Konstituisaun RDTL, Prezidente Republika konvoka membru sira seluk hosi orgaun konsulta hanesan Konsellu Superior Defeza no Seguransa no Konsellu Estadu,  atu rona ida-idak ninia hanoin kona-ba pedidu deklarasaun Estadu Emerjénsia husi Governu.

Reuniaun Konsellu Superior Defeza no Seguransa sei hahú aban loron 5 Agusto iha oras tuku 9.30 dadersan no Konsellu Estadu, sei hahú tuku 11.00. Hafoin tetu opiniaun husi membrus Konsellu Superior Defeza no Seguransa no Konsellu Estadu mak Prezidente Repúblika foin deside.

“Karik Prezidente Repúblika deside katak presiza duni Deklarasaun Estadu Emerjénsia, sei husu autorizasaun husi Parlamentu Nasionál, liuhusi mensájen ida. Karik Parlamentu Nasional aprova pedidu ne’e, Prezidente Repúblika sei deklara Estadu Emerjénsia liuhusi Dekretu Prezidensiál”, deklara liu hosi Casa Civil iha  komunidade imprensa, loron 04/08.

Iha komunikadu imprensa informa katak konvite husi Prezidente Repúblika hato’o ona ba membru hothotu Konsellu rua ne’e. Membru sira ne’ebé halo parte Konsellu Superior Defeza no Seguransa mak Prezidente Repúblika, Dr. Francisco Guterres Lú Olo, Primeiru-Ministru no Ministru Interiór Taur Matan Ruak, Ministra Negósius Estranjeirus no Kooperasaun Maria Adalzija Magno, Ministru Defeza Filomeno Paixão, Ministru Justisa Manuel Cárceres, Xefe Estadu Maior Jeneral F-FDTL Lere Anan Timur, Komisáriu PNTL Faustino da Costa no Diretór Jerál Servisu Nasionál Intelijénsia Manuel Serrano.

Halo mós parte iha Konsellu ne’e, membru sira nomeadu husi Parlamentu Nasionál mak hanesan Adérito Hugo da Costa, David Dias Ximenes, Abel Pires da Silva. Membru sira nomeadu husi Prezidente Repúblika mak José Manuel Fernandes ‘Nakfilak’ no Cristina da Silva.

Membru sira ne’ebé halo parte Konsellu Estadu mak Prezidente Repúblika Francisco Guterres Lú Olo, Eis-Prezidente Repúblika Xanana Gusmão, Eis-Prezidente José Ramos-Horta, Eis-Prezidente Repúblika no atuál Primeiru-Ministru Jeneral Taur Matan Ruak, Prezidente Parlamentu Nasionál Aniceto Longuinhos Guterres Lopes.

Halo parte mós Konsellu ne’e membru sira nomeadu husi Prezidente Repúblika mak Óscar Lima, Alcino de Araújo Barris, Maria Dadi Soares Magno, Laura Soares Abrantes no Faustino da Costa.

Husi Parlamentu Nasionál mak Eduardo de Deus ‘Dusae’, Aurora Ximenes, José Cornélio Guterres, Árcangelo de Jesus Gouveia Leite no José dos Santos ‘Naimori Bucar’.

Iha komunikadu imprensa esplika mos katak akontese iha reuniaun sira Konsellu rua ne’e nian iha ámbitu pedidu deklarasaun estadu emerjénsia ne’ebé liu ona, Prezidente Repúblika konvida mós ba reuniaun aban nian mak Dr. Rui Araújo, Dra. Danina Coelho nu’udar médiku no mós Daniel dos Santos Carmo, nu’udar Diretor Executivo FONGTIL.

Print Friendly, PDF & Email

LEAVE A REPLY

Please enter your comment!
Please enter your name here