Home Saude Covid-19, MS Iha Ona Ventilator 10 no CPAP 90 Hodi Apoiu...

Covid-19, MS Iha Ona Ventilator 10 no CPAP 90 Hodi Apoiu Ba Situasaun Emerjensia

209
0
Vice Koordenador Komisaun Ezekutivu Saude Surtu Covid-19, Narsisio Fernandes. [Foto: Francisco JDA | 04.08.2020]

Reportazen Francisco JDA

Timor-Leste ohin loron iha rejista kazu konfirmadu foun Covid-19 nain ida. liu hosi konferensia imprensa Ministeriu Saude (MS) nian, Neon Metin halo konfirmasaun konaba ekipamentu ne’ebe mak UNDP halo kompras, hodi prepara an ba laloran daruak Covid-19 iha Timor.

Neon Metin husu konfirmasaun relasiona ho ventilator ne’ebe tuir planu UNDP mak sei halo kompras hosi osan ne’ebe mak governu prepara ona, Vice Koordenador Komisaun Ezekutivu Saude Surtu Covid-19, Narsisio Fernandes hatan katak goveru Xina apoiu ona ventilator hamutuk 10 no Ministeriu Saude mos iha ona ekipamentu elektronika naran Continuous Positive Airway Pressure (CPAP) hamutuk 90, ne’ebe ajuda oxigenio ba ema ne’ebe dada is ladiak.

Konaba orsamentu governu nian, ne’ebe hamenu liu hosi UNDP no UNICEF, ba Neon Metin iha konferensia imperensa, iha Ministeriu Saude, loron 04/08 Narsisio hateten sasan sira ne’e kontinua hola hodi lori mai.

Ohin loron Ministeriu Saude iha ona ventilator elektronika hamutuk 10 no CPAP hamutuk 90 ne’ebe sufsiente hodi responde ba moras Covid-19.

Kazu positivu foun ne’ebe akontese, tuir informasaun ne’ebe Ministeriu Saude rekolha katak mai hosi sidadaun estranjeiru, ne’ebe tama iha loron 21 Julhu ho aviaun Citilink no tama iha fronteira no transporta kedas hosi fronteira ba iha sala isolamentu iha loron 22 Julhu 2020.

LEAVE A REPLY

Please enter your comment!
Please enter your name here