Reportajen David da Costa
Asosiasaun Jornalista Tolu iha Timor-Leste, AsosiasaunJornalista Timor Lorosa’e (AJTL), Timor-Leste Press Uniaun (TLPU), Uniaun Profisaun Jornalista Timor-Leste (UPJTL), liuhusi Konsellu Imprensa (KI) iha Timor-Leste, ohin hala’o kongresu hodi hili jornalista nain rua hodi reprezentante jornalista sira iha Konsellu Imprensa ba priodu tinan 2025 to’o 2029.
Iha kongresu ba datolu ne’e, kongresista sira propoin pakote rua, no pakote Primeiru maka Francisco Suni ho Horasio Babo, no nian propronente 17. No pakote segundu maka Joquim de Fatima no Antonio César Mali ho nia proponente 17.
No iha kontajen votus kandidatu numeru sorteiu segundu maka sai manan nain ba iha kongresu datolu ne’e hodi reprezentante jornalista sira ba tur iha Konsellu Imprensa ho votus 86.No kandidatu numeru sorteiu Primeiru iha votus 70. Iha votus nulu 6.
Antonio César Mali nu’udar elitu hodi reprezentante jornalista sira hotu iha Konsellu Imprensa Timor-Leste, nia agradese ba jornalista sira ne’ebe fó konfiansa, tanba ne’e, ida ne’e responsabilidade boot, maibé sei la serbisu mesak no kontinua sura ho jornalista sira nia apoiu, atu nune’e bele alkansa objetivu sira ne’ebe maka iha.
, Ha’u agradese ba kolega sira ne’ebe fó konfiansa mai ha’u, ha’u tenke ejer duni, ha’u tenke simu todan ida ne’e. Tanba aspirasi ne’e mai husi ita boot sira, ita boot sira fó fiar ida mai ha’u. Hau sei la serbisu mesak maibe ha’u kontinua sura ho ita boot sira hotu nian apoiu no kopersaun atu nune’e bele alkansa objetivu ne’ebe mak ita hotu buka maka liberdade imprensa iha Timor-Leste, ” dehan Antonio César Mali, ba jornalista sira iha salaun Kategral Dili, Sexta 13/12.
Nia haktuir, konserteja Konsellu Imprensa anterior sira halo buat diak barak ona, agora ba ne’e la’os atu hadi’a, maibé atu hatutan no halo diak liu tan nomós atu kompleta buat ne’ebe sira seidauk kompleta, tanba sira nia mandatu hotu ona.
“Tanba ne’e, sura ho ita boot sira, ha’u sei didika ha’u nia an tomak, atu serbisu ba Institusaun ida ne’e, atu bele garante, ita hotu nian direitu jornalista, liu-liu atu garante liberdade imprensa iha ita nian rai,” nia esplika
Nia esplika tan, serbisu ne’ebe maka halo’o ne’e, barak liu kontinua deit saida maka sira halo ona, maibe pesoalmente iha hanoin atu halo dezenvolvimentu ne’ebe maka diak liu iha Konsellu Imprensa. Maibé planu sira ne’e bainhira ba ona iha Konsellu Imprensa maka foin tur hamutuk hodi propoin inovasaun foun ba iha ne’ebá.
“Planu ne’e ha’u hanoin orsida to’o ne’ebá maka ami foin hamutuk saida maka ami atu halo? Maibé hanesan ha’u dehan ona barak liu ami kontinua saida mak iha ona, mas iha buat balun ha’u pesoalmente hakarak dezenvolve iha ne’ebá. Depois ami nain lima hamutuk tiha mak hau foin propoin inovasaun foun ba iha ne’ebá, saida maka atu halo iha ne’ebá” nia subliña.
“Hanesan ohin hau temi ona iha ne’ebá, karteria profisionál ne’ebe iha, ha’u hakarak digitaliza kartaun ida ne’e. Kartaun ne’e diak ona maibé, maibé ita presiza muda ba digital tanba agora iha era digital ne’ebe ita presiza halo avansa liu tan. Agora kartaun digital nia funsaun saida? Depois ita boot sira sei haree, ida ne’e ha’u nia mehi” Nia afirma.
Jornalista Timor-Leste, Maria Sarmento Guterres Faria, nia esperansa ba jornalista nain rua Joaquim De Fatima no Antonio César Mali ne’ebe maka elitu hodi reprezentante jornalista ba tur iha Konsellu Imprensa, espresa katak sira bele kontinua tane aas serbisu jornalista ne’e ba oin no garante liberdade imprensa no espresaun iha Timor-Leste.
“Ha’u nia esperansa ba jornalista nain rua ne’ebe maka ohin ita hili hodi reprezentante jornalista sira ba tur iha Konsellu Imprensa Timor-Leste, fiar katak sira bele kontinua sira nia promesa sira ne’ebe ohin hato’o, no tane aas ita nia serbisu jornalista ne’e ba oin,”
