Home Notisia Sosializa Vasina AstraZeneca Ba Ema Ho Difisiensia, Mariana: Hau Prontu Simu Vasina

Sosializa Vasina AstraZeneca Ba Ema Ho Difisiensia, Mariana: Hau Prontu Simu Vasina

350
0
MS sosializa vasin COVID-19 ba ema ho difisiensia sira. [Foto: Francisco JDA | 31.03.2021]

Reportazen Francisco JDA

Ministeriu Saúde (MS) liu hosi Serbisu Saúde Municipiu Dili hala’o sosializasaun kona ba Vasina COVID-19 Atrazeneca hosi Oxford-Inglatera ba ema ho difisensia sira, oinsá atu bele intende ho diak kona ba  vatanjen sira molok simu vasina tanba iha nia vantajen boot ba seguransa no armajenamentu tuir duni kondisaun Timor-Leste nian.

Tuir Vocal Point Imunizasaun Municipiu Dili, Julio Amaral ba jornalista sira hateten, Raes Hadomi Timor Oan( RHTO) husu atu fahe informasaun ho lolos ba sira kona ba vasina COVID-19, ne’ebé estadu hili ona atu vasina, tanba sira mós rona issu barak iha media sosial no hamosu duvida barak.

“Ohin ami mai, atu esplika ba ema ho difisensia sira konaba vasina, ne’ebé mak ita nia governu deside atu uza ,no vasina ne’e sei fo ba emaida ne’ebé mak sei hetan uluk, nune’e vasina ne’e nia reasaun  adversa ruma iha, ami esplika katak vasina hotu nia reasaun adversa komún liu, ne’e bele halo ema isin manas, mear maibé ne’e la kleur loron ida ou rua nia bele passa,” hateten Dr. Julio Amaral iha RHTO Taibesi, 31/03

Dr Julio Amaral reforsa liu tan, ema ho difisensia rona issu barak, kona-ba vasin iha media sosial, hodi hamosu pro no kontra no hamosu mós duvidas, maibé ami esplika ba sira katak vasina Atrazeneca ne’e seguru,  nia benefisiu mak prepara ema nia isin para desenvolve komponente sira atu kontra moras COVID-19,  bainhira vasina hotu tiha no moras ne’e atu ataka fali ema nia isin ne’e prepara ona atu hasoru moras ne’e.

Iha Fatin hanesan Diretor Exekutivu  RHTO, Jonzito dos Santos hatete katak, RHTO nia membru hotu iha nasionál no municipiu hanesan Ministeriu Saúde hateten katak sira mós iha prioridade atu hetan vasina

“Nudar sidadaun ida tenki kumpre regulamentu no lei sira ne’ebé mak iha, ho vasina ne’e atu bele diminui no hasae ema nia imunidade no resistensia hasoru virus ne’e,” hateten Diretor Executivu RHTO Jonzito dos Santos

Entertantu Partisipante, Mariana Conseicao hato’o ba  Neon Metin katak, bainhira seidauk rona informasaun hosi fonte kredivel sente konfuzasaun no iha duvida nia laran, katak vasina ne’e di’ak duni ka lae? maibé rona tiha informasaun sira ne’e sente iha duni vantajen atu hatutan ba kolega seluk

“Pesoalmente ha’u sente prontu simu vasin, tanba liu hosi informasaun ne’ebé ami simu katak ida ne’e fo vantajen ba ita, no bainhira ita simu vasin bele aumenta ita nia sistema imunidade, hodi kontra hasoru virus ne’e, ha’u prontu simu Vasin ne’e,” hateten Mariana Conseicao

Print Friendly, PDF & Email

LEAVE A REPLY

Please enter your comment!
Please enter your name here