Home EduTek Inan Sira Presija Espasu ba Fo Susu Oan iha Servisu Fatin no...

Inan Sira Presija Espasu ba Fo Susu Oan iha Servisu Fatin no Fatin Publiku

602
0
Foto: Fundasaun Alola

UNICEF CAFÉ Timor-Leste publika deklarasaun imprensa horiseik hodi hato’o preokupasaun kona ba tendensia diminuasaun taxa fo susu oan exklusivu iha fatin servisu nian no mos iha fatin publiku.

Iha Timor-Leste pratika fo susu oan bebe laos buat komun ona. Dadus Survey Demografia no Saude nian iha 2016 hatete katak tendensia exklusivu fo susu oan bebe tun 2 pursentu hosi 2010, hosi 52% ba 20% iha 2016.

Reprezentante Unicef Timor-Leste, Toshiko Takahasi, hatete katak presija tau atensun ba inan sira mak servisu hodi bele fo susu sira nia oan.

“Tendensia diminuasaun ba hahalok fo susu oan bebe iha fulan 6 dahuluk iha inan servisu nain sira iha Timor-Leste presija hetan atensaun hosi inan servisu nain sira no mos jerasaun future nasaun ida ne’e. Tanba atu hetan susuben hodi inan nia susun ne’e dereitu ida mak bebe sira iha, ita hotu iha obrigasaun atu garante katak ida ne’e akontese duni.”

Nia mos hatete katak analiza foin dadauk ne’e fo sai hato’o katak fo susuben inan salva moris, proteze bebe ho inan hosi moras mak bele hamate, hasae bebe nia IQ no fo rezultadu edukasaun mak diak liu.

Limitasaun fasilidade iha servisu fatin no fatin publik halo inan sira susar atu fo han/susu sira nia oan. Inan sira mak servisu nudar funsionariu publiku hamutuk pursentu 35 (hosi total 33,397). Regulamentu servisu Governo nian feto isin rua iha dereitu atu hetan lisensa maternidade fulan tolu.

Iha Forum ne’ebe atende mos hosi Membru Parlementu, reprezentante funsaun publiku, inan servisu nain sira, ativista sira ne’e bolu ba Governo atu: Haree hikas lei existente sira, no fo tan tempu lisensa ho vensimentu ba maternidade to’o fulan 6, iha servisu fatin publik no privadu sira; Establese sasukat legal ida forte hodi regula hahan instant sir aba bebe; Fo opurtunidade ba lisensa ho vensimentu paternidade, no establese politika fo susu oan bebe iha fatin servisu, inklui lisensa ho vensimentu ba fo susu oan; Garante katak inan sira hetan konselling hosi ema ho abilidade diak iha fasilidade saude nian sira; Hametin ligasaun entre fasilidade saude ho komunidade, hodi garante katak inan sira hetan suporta atu kontinua fo susuben inan nian; Hadiak sistema monitorizasaun hodi haree implementasaun politika fo susuben inan nian, liu hosi programa no pratika sira. No mos garante suporta hosi aman sira, familia sira no empregador sira, no mos hosi komunidade.

 

 

LEAVE A REPLY

Please enter your comment!
Please enter your name here