Home Uncategorized Ramos Horta: Transparansia no Integridade Tenki Hahu Kedas Iha Midia Nia Uma...

Ramos Horta: Transparansia no Integridade Tenki Hahu Kedas Iha Midia Nia Uma Laran

275
0
Laureadu Nobel da Paz, Jose Ramos Horta loke Dili Dialogue Forum (foto Konsellu Imprensa nian)

Santina L. Da Costa

Laureadu Nobel da Paz no Eis Presidente da Republika, jose Ramos Horta husu ba midia hahu pratika uluk transparansia no integridade iha uma laran midia nian.

Bainhira loke Dili Dialogu Forum, Laureadu Nobel da Paz, Jose Ramos Horta, halo aprezentasaun ho topiku Papel Midia Hodi Promove Transparansia no Governasaun Di’ak no Hari’I Demokrasia. Iha aprezentasaun ne’e Horta koalia kona ba importansia hosi papel media nian ba governasaun diak maibe nia husu atu hahu kedas hosi midia nia uma laran.

“Hau mai koalia tema ida papel midia nian iha promosaun ba intergridade boa-governasaun, transperensia iha governasaun. Para midia bele koalia kontribui nasaun nia transperensia intergridade tenki hahu mós husi kedas midia nia uma laran. Jornalista sira nia hahalok midia rasik, joenalista sira rasik mós tenke halo tuir prinsipius kona-ba transperensia intergridade imparsialidade”, dehan Ramos Horta, iha Salaun Ministeriu Finansas, Aitarak-Laran, 19/07, Dili.

Maibe Horta mos hatete katak importante liu mak estadu tenki iha respeita buat ne’ebé iha ita nia Konstituisaun iha instrumentu internasional hotu-hotu ne’ebé ita subskreve, ita ratifika ona. Liberdade imprensa iha rai ida ne’ebé ita hakarak presija iha demokrasia, ema moris iha liberdade, governu tenki respeita midia nia liberdade. NIa mos dehan maski jornalista kritika governu ka mesmu ke halo sala, hakerek sala ne’e ema normal, laos buka kedas atu poluisaun taka jornal. Horta hatutan dehan ema hotu-hotu halo sala, membru governu sira halo sala, politikus sira halo, tanba saida mak midia mós dalaruma labele hakerek sala.

José Ramos Horta hatutan, midia Timor-Leste komparasaun ho midia iha Azia, midia iha Timor-Leste sei fraku teb-tebes kompara ho indonesia, intermus kualidade jornalismu, kualidade TV. Ne’e normal, maibé kualidade liberdade imprensa iha Timor kompara ho rai balun iha ita nia vizinu, iha Sudeste Aziatiku, rai tolu mak ita bele hateten liberdade imprensa maka’as, Timor-Leste numeru 1, indonesia numeru 2, Filipina numeru 3 , sira seluk ne’e liberdade imprensa laiha.

Horta mos dehan, jornalista nia matenek no sira nia servisu intergridade ne’e signifika saida mak hakerek ne’e buat ne’ebé los, mai husi investigasaun di’ak, entaun difisil ba midia iha kreadibilidade se lahalo ne’e midia difisil kontribui ba boa-governasaun.

Iha fatin hanesan Sekretariu Estadu Komunikasaun Sosial, Mericio Akara mos hato’o katak midi abele kontribui ba edukasaun publik. Nia dehan mos midia uza liberdade mak iha hodi hatudu responsabilidade atu eduka povo no ne’e presija sai objetivu ida midia nian. Sekretariu Estadu ne’e mos husu ba midia atu fasilita informasaun hodi povu ba estadu.

“Iha parte seluk ita hanoin katak ita tenki sai instrumentu mós ba estadu ba ita nia povu desimina informasaun di’ak liu ba povu I fasilita mós informasaun husi povu ba ita nia estadu para atinji ita nia objetivu komum”, dehan Akara.

Dili Dialogue Forum ne’e hetan apoio hosi SEKOMS, Ministeriu Negosiu Estrangeiru, Ministeriu Finansas, parseiru husi UNESCO, UNDP, no Embaixada Nova Zelandia. Bainaka ne’ebe partisipa Dili Dialogue forum ida ne’e ida, reprezentante KI husi papua nova- Guine, Indonesia, Thailandia, Filipina, no mós komisiu indonesia partisipa mós husi UNESCO, IFC ho SIFA. Iha mos partisipantes nasional nian sira, mai hosi asosiasoens jornalista, media nain no mos jornalista sira.

LEAVE A REPLY

Please enter your comment!
Please enter your name here