Home Saude Halo Teste Swab Ba Aman no Oan nain 3 Iha Kuluhun Rezultadu...

Halo Teste Swab Ba Aman no Oan nain 3 Iha Kuluhun Rezultadu Negativu

156
0
Koordenador Jeral COVID-19, Odete da Silva Viegas. [Foto: David da Costa | 13.02.2021]

Reportazen David da Costa Gusmao

Relasiona ho informasaun konaba familia ida iha Kuluhun ne’ebe deskonfia konfirmadu positivu COVID-19, tanba halo kontaktu direita ema ne’ebe pozitivu COVID-19 ne’ebe patrilla iha Sosial Media.

Liu hosi konferensia imprensa Koordenador Jeral COVID-19, Odete da Silva Viegas relata katak relasiona ho ilegál ida-ne’ebé pozitivu iha loron 8 Fevereiru tama husi dalan ilegal Batugede, no uza ojek hodi mai liu Kuluhun-Dili, hodi hasoru-malu ho nia- kaben ho nia oan, ekipa vijilansia halo ona teste horseik no hatudu rezultadu negativu.

“Liu hosi biban ida-ne’e hau hato’o katak iha loron 12 Fevereiru ekipa vijilánsia halo tiha ona investigasaun ba ema na’in 4 ne’ebé diskonfia close contact ho ema ida neebé konfirmadu COVID-19, entre sira ne’e iha mane nain 3 ho idade 45, 7, 5 no mós feto nain 1 ho idade 7”, dehan Odete da Silva ba jornalista sira  iha palacio da Cinzas kaikoli,13/02.

Nia esplika bainhira investiga illegal pozitivu COVID-19, nia la fó informasaun klean katak nia hasoru nia-laen iha Kuluhun depois mak nia bá fali Betó-Comoro.

Nia haforsa tan iha loron 28 Janeiru ema ilegál pozitivu ne’e ho nia-kaben aluga taxi, ba família iha Betó, maibé família la simu no kontaktu kedas ba parte vijilánsia, hodi bá tula lori bá kuarentena Tíbar.

“Ami nia ekipa kontaktu kedas ba Señora Eliza no ekipa vijilánsia hamutuk ho ekipa Centro Integradu Jestaun Krizi (CIJK) no polísia tula kedas nia-kaben ho oan nain 3 ne’ebé diskonfia close contact, lori ba submete kuarentena iha ótel Novo Horizonte”, nia haktuir.

Dra. Odete konklui katak horseik loron 12 Fevereiru ekipa foti sira-nain haat nian swab teste no rezultadu teste hatudu katak negativu COVID-19, maibe sira nain haat ne’e kontinua kuarentina no hein tan teste segundu nian.

Print Friendly, PDF & Email

LEAVE A REPLY

Please enter your comment!
Please enter your name here