Home Meio Ambiente APFTL ho OXFAM  Realiza Marsa Ambiental Ba Mudansa Klimatika

APFTL ho OXFAM  Realiza Marsa Ambiental Ba Mudansa Klimatika

1284
0
Hafoin Halo Marsa Ambiental ne'ebe Organiza husi APFTL ho OXFAM Timor-Leste, Sira Hasai foto Hamutuk. [foto: Joselina | 10.11.2023]

Reportajen Joselina dos Santos

Alumi Parlamentu Foinsa’e Timor-Leste (APFTL), servisu hamutuk ho parseiru OXFAM Timor-Leste liuhosi projetu Finansiamnetu Klimatika, realiza atividade Marsa Ambiental no Pintura livre hodi selebra loron Nasional Juventude 2023, nune’e bele halo advokasia ba sosiedade ka komunidade sira atu tau importansia ba asuntu ambiente hodi bele hatene impaktu mudansa klimatika ba ema nia moris.

Hafoin Marsa Ambiental, Prezidente APFTL, Zaulino Gomes da Silva, hateten, Organiza marsa ne’e  hatudu joven sira-nia servisu no sensibilidade hodi halo advokasia ba mudansa klimatika. Tanba ema hatene rai laran iha situasaun ne’ebé preokupa liu-liu mudansa klimatika nian. Dadaun ne’e sira akompaña hela intervensaun politiku sira tanba iha tempu bailoron naruk nian ne’e konsekuensia husi ema nia hahalok ne’ebé la konsege koalia ho diak mak nia konsekuensia ohin ema hotu  sente.

“Marsa sira ne’e atu hatudu envolviemntu laos estadu deit ka ajénsia internasional sira-nia servisu deit maibe kamada hotu joven mós hola parte ba iha eventu sira hanesan loron juventude Masacre Santa Cruz 12 Novembru, loron  28 Novembru. Loron boot sira ne’e tenke mai ho rezultadu ruma, entaun objetivu husi marsa ne’e atu fó hanoin ba Ukun nain nomós ba ema hotu fó ideia atu konserva ai-horis no Bee”, dehan, Prezidente APFTL iha Jadin Largo Licidere, kinta 09/10.

Nia dehan, Mudansa Klimatika laos servisu estadu deit mak halo, maibe ema hotu atu bele fó buras ba rai laran nomós  ambiente lori ambiente diak ba ema nia moris. Bainhira hetan anin fresku ne’e fó enerjia  pozitivu ba ema, entaun Importansia husi marsa ne’e atu halo konservasaun ba fatin risku ne’ebé akontese dezastre sira hodi kuda ai-horis, atu kontinua halo sensibilidade ba ambiente ne’e.

“Atividade ohin ne’e konvida grupu organizasaun no estudante sira hodi hola parte tuir ami kapasidade no kbiit ne’ebé iha hodi mobiliza, tanba ho rekursu ne’ebé iha hodi halo intervensaun ba fatin risku sira hodi kuda aiparapa. Aleinde mós esposizaun pintura ne’e atu espresa kona-ba ambiente saudavel ba ema nomós servisu advokasia ne’ebé ita halo liuhosi pintura marsa no diálogu ne’e ho intensaun atu fó hanoin ba ita nia rain,” Nia informa.

APFTL mós koalia ho estadu atu kordena no komunika tanba durante ne’e konserva ona iha fatin lubuk ida maibe la efetivu ho diak tanba ne’e tenke envolve ema barak atu bele sensivel ba plantasaun. Maibe triste loos tanba komunidade sira kontinua tesi ai, kestaun seluk tanba situasaun ekonomia mak obriga tanba sira nia moris defende ba Ai tan ne’e estadu tenke hola medida atu kria alternativa ida hodi muda komunidade sira nia atu labele tesi ai.

Print Friendly, PDF & Email

LEAVE A REPLY

Please enter your comment!
Please enter your name here