Reportajen David da Costa Gusmao
Kandidta Prezidente da Republika (PR), Anacleto Ferreira ho númeru sorteiu 5 ne’e iha vizaun ida katak atu sai alternativa ida ba forsa politika ba nain rua ne’ebe maka sempre sai konkorensia iha nasaun ne’e.
“Hau mai ho vizaun ida klaru katak atu hamutuk ho hau ita tane aas, no hanoin fila fali ita nia lei inan. No mós ho vizaun ida ne’ebe maka hau foti durante ne’e hau foti iha tempu kampaíña nia katak, atu sai forsa alternativa ida ba forsa politika nain rua ne’eb’e maka sempre hatudu konkorensia iha ita nia rain,” dehan kandidatu PR Anacleto, bainhira partesipa iha debate elisaun Prezidenial iha Novu Turismu Lesidere, tersa 15/03.
Nia haktuir, atu salva Timor-Leste husi sekulu vezimu politiku ne’ebe ema hotu hatene hela katak, bainhira CNRT maka ba ukun, FRETILIN sai rezistensia no bainhira FRETILIN ba ukun, CNRT sai rezistensia
“Tanba ida ne’e maka hau sai meius alternativa politika ida, atu bele sai kore tiha fukun ida ne’ebe lori ona Timor-Leste ba simbolismu politiku ida ne’ebe talves sei labele kuda iha tempu badak nia laran. Ida haun ne’e vizaun ida ne’ebe mosu iha tempu kampaíña,” hateten kandidatu Anacleto.
Maibe misaun ne’ebé maka atu halo sustenta ho nia vizaun ida ne’e, hanesan prezidente da republika sei apoiu governu hodi hala’o servisu relasoen internasionais lolos atu selsaun ida regiroju ba ema ne’ebé maka sai reprezentante diplomata iha rai liur hodi bele atrai fali investimentu hosi rai liur hodi bele eleva fali kredilidade no bilibidade Timor-Leste nia iha mundu Internasionál.
“Tanba ho evolusaun politika iha mandatu ida ne’e nia laran, hau haree katak kredilidade no bilibidade Timor-Leste nia iha mundu Internasionál la dun no lakon tiha, i hetan tiha dezbilibidade ida iha mundu Internasionál nia matan. Tanba ida ne’e, hau hanoin sai kandidata ba Prezidente da republika iha elisaun ida ne’e hodi sai alternativa politika ida entre alternativa sira seluk ne’ebe mak eziste ona,” tenik nia.
