Reportajen David da Costa Gusmao
Kandidatura Prezidente Relublika (PR), Dr. Francisco Guterres Lú Olo, ho numeru sorteiu hato’o nia vizaun no misaun katak, nasaun ida ne’e lori ema rihun ba rihun maka konkista Independensia ida ne’e.
“Hau nia vizaun no misaun lori hau sai kandidatu dala ida tan, ba Prezidente Repúblika ba Períodu 2022-2027, hau hakarak hatete ba imi hotu katak independensia Timor Leste nina foin konkista, ne’ebé ema rihun ba rihun maka lori ran no ruin hodi sosa,” dehan Lú Olo, bainhira partisipa iha debate kandidatura sira iha Novo Turizmu Lesidere, Tersa 15/03.
Nune’e Liu husi sira ne’ebe maka sei moris, hari estadu ida ne’e, bolu naran estadu demokrátiku, ne’ebe hatuir iha konstituisaun ida, hodi defne konstituisaun ne’e rasik, define forma organuzasaun poder ezersísiu polítiku, kona ba titularis sira ne’ebe maka konkore ho demokrátiku.
“Tanba ne’e maka hau mai sai kandidatu, hau nia vizaun maka ida ne’e atu hametin estadu de direitu demokratiku, lao tuir konstituisaun no lei sira, atu halo Vizaun ida hanesan Prezidenti Republika, promote sei kumprii kompetensia tuir konstituisaun ne’ebe maka fo mai Prezidenti Republika”, dehan Lu Olo
Nafatin hametin relasaun ho institusionais, respeitu prinsipiu de orgaun de soberania sira, Parlamentu, Governu no Tribunal sira, buka nafatin para atu bele kooperasaun diak ho soberania sira hotu.
Entretantu Prezidenti Republika ida ne’ebe atu bele haree kona fali ba Lei ho lei oan sira ne’ebe aprova husi Parlamentu tantu husi Governu, tenki hare didiak hotu, nune bele halao misaun ida ne’e ho didiak bele garante paz no estabilidade.
