Reportajen Joanina Casamiro
Padre Bernardo Domingues Pereira, hateten, Populasau Becora konsidera Jornalista Sander Robert Thoenes mak lori lialoos, Lialos ezise mate mos ema ne’ebé ko’alia lialos, defende lialos no defende justiça ultimu tenke mate, no Sander la triste tanba nia fó ba mate ikus hatudu rezultadu independensia ba povu Timor-Leste.
Tanba ne’e iha momentu ida ne’e Sander Robert Thoenes mate loos iha área Paroquia Becora nian no populasaun Becora hatene diak loos oinsa mak nia mate hahú hosi ne’ebé ba ne’ebé fatin ne’ebé hotu sira hatene.
“Ohin ita asiste tau momentu ida iha ne’e atu ita hanoin ita nia jornalista, ema ida ne’ebé defende lialos no mate ba lialos no ema sira ne’ebé defende lialos sira nia klamar iha lalehan. Ita só hanoin deit sira hodi lembra sira. Rai ida ne’ebé la hanoin nia heroi ema sira ne’ebé mate ba lialos, defende lialos ne’e rai ida ka sosiedade ida komunidade ne’ebé nunka hanoin, nunka tau atensaun ba ema sira ne’ebé mate ba lialos no luta ba lialos”, dehan Amo Bernardo iha Igreza Sagrada Coração de Jesus Becora, kuarta 08/10.
Nia haktuir, ema sira ne’ebe hanoin de’it oinsa atu buka sira nia aan rasik no nunka haree ba ema hirak ne’ebé mate tiha ona pelemenus sira husik hela buat los ida ikus liu sira fó sira nia aan ba mate ba lialos. Hanoin nafatin no reza atu nia klamar bele hetan fatin di’ak iha maromak nia kadunan santu.
Iha fatin hanesan, Reprezentante Administradór Postu-Administrativu Cristo Rei, Fernando Araújo, agradese ba Familia Sander tanba oferese sira nian oan ba jornalista bele mai iha Timor akompaña situasaun iha Timor no ikus mai nia fó aan ba mate iha rai ida ne’e. Tanba nu’udar jornalista hato’o sentimentu ba povu no nasaun sira hotu.
“Entaun ho nia isin mate ida ne’e maske nia mate familia sente triste, maibe nia Kontente iha aman maromak nia kadunkan santu, tanba ho nia ho dedikasaun ne’ebé fó aan ba mate maibe timor hetan ukun rasik aan. Ho ida ne’e katak nia mos la triste iha ne’eba nia kontente tanba nia rezultadu mate ne’e mak ukun aan”, nia espresa.
