Home Notisia Lú Olo Husu Kontinua Garante Paz, Estabilidade Governativa no Estabilidade Nasional

Lú Olo Husu Kontinua Garante Paz, Estabilidade Governativa no Estabilidade Nasional

261
0
Dr. Francisco Guterres Lu Olo hamutuk ho espoza no partidu politiku 4 iha konferensi imprensa. [Foto: Santy | 22.04.2022]

Reportajen Santina Lucia da Costa

Kandidatu Prezidente Republika ho númeru sorteiu 2, Dr. Francisco Guterres Lú Olo, Husu  atu garante paz, estabilidade governativa, no estabilidade nasional,  no Prezidente Repúblika Eleitu, Dr. José Ramos Horta ka Partidu politikus hotu tenki koopera nafatin ho VIII Governu Konstitusionál no Parlamentu Nasionál.

“Importante liu mak, hau só husu de’it para garante paz, establidade governativa, no estabilidade nasional, signifika Prezidente Republika eleitu ka partidu politikas hotu-hotu, tenki koopera nafatin ho VIII Governu Konstituisional ho mós Parlamentu Nasional ida agora, para atu garante estabilidade ida ne’e.” Hateten, Kandidatu PR, Francisco Guterres Lú Olo, iha Sede Kampaña, Luz Clarita, 22/4.

Lú Olo apela ba povu tomak  hamutuk ho nia para atu simu rezultadu eleisaun, demokratika ne’ebé hala’o dadauk ona liu ona ita nia rai, sidadaun iha direitu para atu moris hakmatek, to’o ona tempu para ida-idak fila-fali ba hala’o nia serbisu, sé mak nain-ulun halo nia serbisu nain-ulun nian, se mak kampones fila-fali ba nia serbisu kampones para atu bele manan vida.

Entretantu tuir Sekretariadu Tékniku Administrasaun Eleitorál (STAE), konklui ona apuramentu iha nivél nasional hafoin kontajen nivel munisipal no disapóra iha loron 20 Abril 2022 hatudu katak, kandidatu Prezidente Republika ho númeru sorteiu 1, Dr. José Ramos Horta ho votu 397,145 (62,09% ) no kandidatu Prezidente Republika ho númeru sorteiu 2, Dr. Francisco Guterres Lú Olo ho votu 242,440 (37,91%).

Print Friendly, PDF & Email

LEAVE A REPLY

Please enter your comment!
Please enter your name here