Home Notisia Bankada PLP Husu Deskulpa Ba Povu Relasiona Ho Disturbu Iha PN, Kontinua...

Bankada PLP Husu Deskulpa Ba Povu Relasiona Ho Disturbu Iha PN, Kontinua Asegura Estabilidade

2706
0
Vise Prezidente bankada PLP, Francisco de Vasconcelos. [Foto: Raimundo Seguerau | 25.05.2020]

Reportazen Raimundo Seguerau

Relasiona ho problema ne’ebé akontese semana ida liu ba, iha uma fukun Parlamentu Nasional (PN) hodi rezulta estragus patrimoniu parlamentu nian. Ho problema ne’e, Vise Prezidente bankada Partidu Libertasaun Popular (PLP), Francisco de Vasconcelos lori bankada nia naran husu deskulpa ba povu tomak no kontinua asegura estabilidade.

Vise Prezidente Bankada PLP, Francisco de Vasconçelos deklara problema ne’ebé akontese iha uma fukun PN hanesan jogu demokratiku tanba parlamentu nudar uma fukun povu nian hodi ko’alia kona-ba demokrasia.

“Situasaun ida iha Parlamentu Nasional , mezmu semana ida nia laran liu ba, iha disturbu, Partidu Libertasaun Popular husu deskulpa ba povu timor laran tomak”, dehan Francisco liuhusi plenaria estraordinaria iha PN, Dili, Segunda (25/05/2020).

Deputadu ne’e mós apresia populasaun sira tanba hatudu maturidade ne’ebé di’ak, garante situasaun hakmatek iha rai laran. Tan ne’e, nia husu atu kontinua mantein nafatin paz no estabilidade tanba ho paz no estabilidade mak bele halo dezenvolvimentu.

“Kualker problema ne’ebé estadu ne’e infrenta , ita kontinua asegura estabilidade  no paz ba ita nia populasaun atu nune’e lori dezenvolvimentu ba ita nia povu tuir idak-idak nia promensa iha tempu kampaña”, nia afirma.

Print Friendly, PDF & Email

LEAVE A REPLY

Please enter your comment!
Please enter your name here