Home Notisia Detetan Kazu Foun COVID-19 Iha Dili 22 no Iha Baucau nain 1,...

Detetan Kazu Foun COVID-19 Iha Dili 22 no Iha Baucau nain 1, Ativu 138

332
0
Ekipa vijilansia epidimiolojia. [Foto: Copyright A Bola | 19.04.2020]

Reportazen David da Costa Gusmao*

Ministeriu Saude (MS) Deteta tan kazu foun konfirmadu COVID-19 hamutuk 23, nain 22 iha Dili no nain ida iha Baucau. Liu hosi konferensia imprensa, Koordenador Forsa-Tarefa ba Prevensaun no Mitigasaun Surtu COVID-19 iha Timor Leste, Dr. Rui Maria de Araújo liu hosi zoon press conference informa katak ohin loron 19 Marsu 2021, deteta kazu foun hamutuk 23, kazu nain 23 ohin iha mane nain 8, feto nain 15, idade entre tinan 10-14 nain 3, idade entre tinan 18-60 nian 20, sintomátiku 1, asintomátiku nain 22.

Dr. Rui hateten evolusaun surtu COVID-19 iha municipio Dili hosi kazu foun nain 22 iha Munisipiu Dili, ho detalles katak kazu pozitivu 3, kontaktu ho profisionál saúde husi cluster Aldeia 05 ho cluster Aldeia São Miguel, Suku Comoro, ne’ebé servisu iha HNGV, unidade hemodiálize.

Kazu pozitivu 5, kontaktu-besik ho profisionál saúde ida iha cluster EMONC (Emergency Obstetrics and Neonatal Care). kazu pozitivu 7, kontaktu-besik ho kazu konfirmadu ida iha BTN III, Aldeia Terra Santa, Suku Madohi, Postu Administrativu Dom Aleixo.

Kazu pozitivu 6, kontaktu-besik ho kazu ida iha cluster Aldeia Maucocomate, Suco Becora, Posto Administrativo Cristo Rei. Kazu pozitivu 1, kontaktu-besik ho kazu konfirmadu ida iha cluster HNGV, hela iha Aldeia Auhun, Suku Becora, Posto Administrativu Cristo Rei. Ho nune’e, kazu detetadu ka pozitivu iha Munisipiu Dili husi loron 7 Marsu 2021, to’o ohin, 19 Marsu 2021, hamutuk nain 117.

Iha municipio Baucau kazu foun nain 1 ne’ebe deteta, ohin loron,  hamutuk hotu deteta ona kazu konfirmadu nain 8. Kazu foun ida ne’e, hela iha Aldeia Lamegua, Suku Bahu, Baucau Vila. Kazu konfirmadu ida ne’e halo viajen husi Dili ba Baucau iha loron 5 Mars. Iha Dili nia hela iha Aldeia loron 25 Abril, Suku Santa Cruz, Postu Administrativu Nain Feto.

Nune’e dadus in jeral ohin loron 19 Marsu, kazu foun iha 23, kazu rekuperadu nain 4 no ativu nain 138.

*(David da Costa Gusmao nudar estudante UNTL ne’ebe halo estajiu iha Neon Metin)

Print Friendly, PDF & Email

LEAVE A REPLY

Please enter your comment!
Please enter your name here