Home Saude 13 Janeiru, MS Rejista Kazu Dengue Hamutuku370 no Mate nain 5

13 Janeiru, MS Rejista Kazu Dengue Hamutuku370 no Mate nain 5

107
0
Imajen ilustrasaun moras dengue. [Foto: Copyright Beriasatu.com | 28.04.2020]

Reportajen David da Costa Gusmao

Komunikadu Imprensa ne’ebé mak Neon Metin asesu husi Ministériu Saúde (MS), relata iha loron 13  Janeiru iha Diresaun Nasionál  Saude Publika, departamentu vijilánsia epidemolojia rejistu kazu dengue hamutuk 370 no akumulativu obitu nain lima.

“Situasaun kazu Dengue Iha Timor Leste Ohin loron dia 13 Janeiru de 2022 kazu dengue hamutuk 370 no kumulativo obitos nain 5 Maioria kazu  ne’e deteta husi Municipio Dili ho total 281 kazu, Municipio Manatuto ho kazu 20, hafoin Municipio Covalima ho kazu 16, Municipio Baucau ho kazu 16, Municipio Manufahi ho kazu 13, Ermera kazu 13 Municipio Viqueque 4 Municipio Ainaro ho kazu 3, Municipio Liquica kazu 2, Municipio Aileu no  Bobonaro relata kazu 1. Em geral total Municipio 11 mak agora dadaun relata kazu dengue epidemolojia,” relata iha komunikadu ne’ebe, Neon metin asesu iha loron Kinta 13/01.

Iha komunikadu hateten, Iha fulan Dezembru 2021 kazu komesa aumenta ho total 225,  maibe kompara ho fulan Janeiru 2022 iha semana terseiru kazu barak liu kompara ho kazu Janeiru 2021 tinan kotuk. Iha posibilidade kazu sei aumenta iha semana hirak tuir mai.

“Munisípiu Dili nafatin rejistu kazu ne’ebe a’as iha primeira semana – Terceira Semana fulan Janeiro 2022, ho total 281 kazu. Hare ba kada loron kazu aumenta bebeik husi Munisípiu Dili nian. Idade Mais afetadu mak husi idade menus husi 14 anos mai kraik, ho grupu idade 5- 14 ho 48,1% no idade 1- 4 ho 33,0%”.

Iha Postu Administrativu Dom Aleixo relata kazu a’as liu husi Posto administrativos hotu ho total  120 kazu iha primeira semana – Terceira semana janeiru 2022, hafoin tuir husi Posto  Aministrativo Cristo Rei 59 kazu no Vera-Cruz 52 kazu.

Kazu obitu husi tinan 2020 ho total 10, iha tinan 2021 total 11 obitu, no iha primeira semana fulan Janeiro 2022 iha ona obitou nain 1 ne’ebe relata husi Municipiu Dili, no iha terceira semana relata kazu obitu nain 4 husi Munisípiu Ermera, ho ida ne’e total Case Fatality Rate nivel nasionál ho 1,4%.

Munisípiu  Dili to’o ohin loron relata ona kazu 272 kazu no obitu nain 1. Tuir kalendáriu epidemiolojia Tinan 2022, iha primeira semana fulan Janeiru 2022, Munisípiu Dili relata total 38 kazu no iha semana Segundo Janeiro 2022 relata 160 kazu no iha Terceira semana relata ona 74 kazu.

To’o ohin loron Segunda semana Janeiru 2022, Posto administrativo Dom Alexo relata kazu total 120, hafoin Postu Administrativo Cristo Rei ho 59 kazu,  tuir kedan posto administrativu Vera-Cruz ho total kazu 52, feto ho total kazu 46, ne’e hatudu katak kada dia kazu espalla nafatin ba iha posto administrativo sira seluk.

“Distribuisaun kazu dengue tuir klasifikasaun mak Dengue Fever (DF) ho total 243 kazu, Dengue Hemorrhagic Fever (DHF) ho total kazu 22 no Dengue Shock Syndrome (DSS) ho total kazu 16,” haktuir iha komunikadu ne’e.

Apela ba populasaun iha Dili laran no mós iha Munisipiu sira seluk, atu aprezenta-an iha fasilidade públiku saúde (Sentru Saúde ka Ospitál) ne’ebé besik, wainhira sente isin-manas, ka Senti laran sa’e,liman ain no sikun moras hodi bele hetan atendimentu husi profisionál saúde sira.

Print Friendly, PDF & Email

LEAVE A REPLY

Please enter your comment!
Please enter your name here