Home Saude Tinan 2021 HNGV Rekolla Osan $238,989.82 Husi Ema Estranjeiru no Timoroan Ne’ebe...

Tinan 2021 HNGV Rekolla Osan $238,989.82 Husi Ema Estranjeiru no Timoroan Ne’ebe Halo Tratamentu

126
0
Diretór Finansas Hospitál Nasoinál Guido Valadares (HNGV), Raul Humberto Gama. [Foto: David | 13.01.2022]

Reportajen David da Costa Gusmao

Iha Janeiru 2021 to’o Dezembru tinan 2021, Hospitál Nasoinál Guido Valadares (HNGV)  rekolla osan ho totál $238, 989.82 husi entidade estranjeiru ho sidadaun timoroan sira, ne’ebe mak mai halo operasaun no check up iha ne’e.

Diretór Finansas Hospitál Nasoinál Guido Valadares (HNGV), Raul Humberto Gama dehan ema estranjeiru ne’ebé mai halo tratamentu iha HNGV,  hahú husi Janeiru to’o Dezembru tinan 2021 hamutuk 1.447 pesoa, ho osan montante selu mai iha hospitál hamutuk $63,703.52.

Sidadun timoroan ne’ebé mai konsulta, mas tenke ser selu, mak ema hamutuk 3.696 pesoa, ho osan montante  husi Janeiru to’o Dezembru hamutuk $175, 286.30. Ida ne’e timoroan sira ne’ebé mak uza VIP no halo check up iha HNGV.

“Totál orasamemtu ne’ebé mak ita rekolla  iha hospitál, Hahú husi Janeiru to’o Dezembru 2021 hamutuk $238, 989.82”, Diretór ne’e dehan ba jornaliata sira iha HNGV, Kinta 13/01.

Nia haktuir  entidade estranjeiru bainhira hetan tratamentu nia selu varius la hanesan, depende nia hetan tratamemtu, por ezemplu nia mai halo operasaun ruma, nia montante iha kedas ona, ne’ebe varios ne’e laos dehan katak nia kustu ne’e fiksu ona, depende ba nia hetan asistente ka tratamentu ne’ebe iha oan.

Kustu ne’ebé mak folin kiik liu mak $5.00 ne’e ba iha rejistu deit. Agora kustu ne’ebé  boot liu mak ba halo operasaun sira mak $500, maibe agora reduz tiha ona.

“Ami prepara ona draft sira hodi reduz kustu sira ne’ebé boot , sei iha assesor jurídiku nia liman depois hotu mak ami submete ba Ministeriu atu hetan aprovasaun, bainhira hetan ona aprovasaun mak ami foin bele halo implementa ba ida ne’e,” nia esplika.

Print Friendly, PDF & Email

LEAVE A REPLY

Please enter your comment!
Please enter your name here