Home Notisia OPMT kontra Violasaun Sexual, Florentina: Vítima Sira Labele Ta’uk Hatete Sai Ba...

OPMT kontra Violasaun Sexual, Florentina: Vítima Sira Labele Ta’uk Hatete Sai Ba Públiku

901
0
Florentina Martins Smith, Sekretaria Jeral OPMT (Foto: Adroaldo Saretukau)

Reportajen Adroaldo ‘Saretukau’

Relasiona ho kazu violasaun seksual iha Topu Honis hosi Richard Daschbach, Organizasaun Popular Mulher de Timor (OPMT) hato’o nia pozisaun hodi kontra hahalok ne’e, no husu atu tuir prosesu hotu hodi foti konkluzaun no ida ne’ebé mak sala nia tenki responsabiliza. OPMT mos husu atu vítima se de’it labele ta’uk atu hatete sai violasaun sira ba públiku atu nune’e bele hetan justisa.

Sekretária Jeral Interina OPMT, Florentina Martins Smith hateten, Organizasaun OPMT mos akompaña hela Kazu violasaun seksual ida ne’ebé akontese iha Oekusi hosi RD, ne’ebé iha hela prosesu investigasaun. OPMT rasik akompaña ema nia opiniaun públiku, la’os katak opiniaun individu, maibé kuaze opiniaun ke ema hotu fo.

“Hanesan OPMT organizasaun ida ne’ebé mos defende feto sira nia direitu, husik justisa la’o ba para ita foti iha konkluzaun. Ida ne’ebé mak sala konserteza nia mak tenki responsabiliza,” hateten Sekretária OPMT Florentina iha Museum AMRT, Quarta, 3/03.

“Ita haree triste, ba ha’u nu’udar inan, hanesan mos feto responsável ba organizasaun, triste kuandu rona situasaun ida ne’e mosu iha ita nia rain,” tenik Veterana ne’e.

Nia hateten situasaun ida agora ne’e la’os buat ida taka, kuaze ema halo audénsia, iha mos medida sira ne’ebé ema foti no iha grupu feto sira mak halo hela aproximasaun, ita haree katak hahalok ida hanesan ne’e labele.

“OPMT nia pizisaun kontra hahalok hanesan ne’e. Labele halo deskriminasaun, labele halo violasaun liu-liu ba ema labarik sira ka ema feto, ne’e kontra ema nia direitu umanu no ema ni-nia pesoal,” hateten Sekretária OPMT Florentina.

Veterana ne’e hatete ba se de’it, wainhira sai vítima iha prosesu ruma, vítima ba ema baku, ema viola, vítima iha situasaun diskriminasaun tenki hateten sai, labele taka atu prosesu justisa la’o, nune’e organizasaun feto sira bele defende ida ne’e.

“Apela ba feto maluk sira ne’ebé mak oras ne’e da-dauk sai vítima nomos ba sira seluk ne’ebé ohin loron ne’e sai hela vítima ba hahalok ema ruma, entaun ita labele ta’uk, tenki denunsia, atu nune’e públiku bele hatene, para ita nia hanoin sira ne’e, bele fo sai, para bele transforma ba asaun ruma, ka medida ne’ebé mak forte hodi bele kondena hahalok aat sira ne’e”, apela reprezentante OPMT ne’e.

Kazu violensia sexual ne’e diskonfia komete hosi RD oras ne’e dadaun iha ona Ministeriu Publiku. Prosesu justisa lao dadaun no ema hotu hein atu hetan justisa ba vitima sira.

Print Friendly, PDF & Email

LEAVE A REPLY

Please enter your comment!
Please enter your name here