Home Notisia PD Deside Assanami Kompete Iha Eleisaun Prezidensiál 2022-20227

PD Deside Assanami Kompete Iha Eleisaun Prezidensiál 2022-20227

287
0
Partidu Demokrátiku (PD) Iha Konvensaun Nasionál. [Foto: Santy | 22.01.2022]

Reportajen Santina Lucia da Costa

Partidu Demokrátiku (PD) liu husi Konvensaun Nasionál deside Prezidente Partidu Demokratiku, Mariano Assanami Sabino kompete iha eleisaun Prezidente Repúblika tinan 2022-2027.

PD realiza konvensaun Nasionál dahuluk hodi tais, no hili kuadrus kualifikadu hodi konkorre ba eleisaun Prezidensiál 2022, molok hahu votasaun ba kandidatu sira, kandidatu Adriano do Nascimento “Loro Mau” retira ninia kandidatura.

Ho nune’e meza konvensaun husu aklamasaun hosi reprezentante Munisípiu inklui RAEOA no orgaun partidu ne’ebé hatuur iha artigu 154, estatutu partidu ho rezultadu munisípiu sira hotu hato’o nia aklamasaun, Munisípiu Liquiça ho Covalima ne’ebé la pronunsia sira nia pozisaun ruma.

Ho nune’e rezulta Mariano Assanami Sabino nu’udar kandidatu ne’ebé konfirmadu no aprovadu iha konvensaun nasionál atu konkore ba eleisaun Prezidensiál 2022.

Sekretáriu Jerál PD, Antonio da Conceição “Kalohan” hateten Konvensaun Nasional ida ne’e atu hola desizaun ikus, ba kuadru partidu na’in rua ne’ebé marka ona sira nia kandidatura atu Kompete iha eleisaun.

“Kandidatu ne’ebé lolos ami sei konkore, maibé kandidatu ida retira-an iha dalan klaran ne’ebé labele lori ami ba to’o prosesu eleisaun, maibé ida ne’e mós prosesu ida ne’ebé mak ami nia estatutu posibiliti atu halo, tanba ne’e mak kandidatu Adriano do Nascimento “Loro Maun” retira nia kandidatura molok tama ba votasaun, votasaun la realiza ho de’it aklamasaun ami desidi kandidatu Mariano Assanami Sabino.” Dehan, Sekretariu Jeral PD, Antonio da Conceição “Kalohan”, iha salaun Leokase, Raikotu, 22/1.

Antonio da Conceição “Kalohan”, akresenta, hahú aban ba oin kandidatu Prezidente Republika iha tiha ona, sei estabelese ekipa susesu ne’ebé mak atu serbisu ba kandidatura ida ne’e, sei halo preparativus atu kompleta dokumentus lori kandidatu ne’e ba aprezenta iha loron 28 ka 29 ba Tribunal Rekursu.”

“Molok aprezenta kandidatura ne’e ami mós sei lansamentu kandidatura, fatin ami sei disidi depois sei fó hatene ba media sira.” Tenik, Kalohan.

Entretantu iha konvensaun nasional ne’e hetan partisipasaun husi delegadu no estrutura partidu, hahú husi Nasional no munisipal, ema hamutuk 409 ne’ebé mak hola desizaun kandidatura nasional PD.

Print Friendly, PDF & Email

LEAVE A REPLY

Please enter your comment!
Please enter your name here