Home Notisia MS Husu ba Seguransa Iha HNGV Atu Atende Vizitante Ho Diak

MS Husu ba Seguransa Iha HNGV Atu Atende Vizitante Ho Diak

157
0
Diretór Jerál Koopertiva MS, Marcelo Amaral. [Foto: Media Oficer HNGV | 13.01.2022]

Reportajen David da Costa Gusmao

Ministériu Saúde (MS) husu ba seguransa sira iha Hospitál Nasionál Guido Valadares (HNGV) atu halo atendimentu ba iha vizitante sira ho diak, labele halo agresivu ba vizitante sira.

Reprezentante Ministra Saúde (MS), Diretór Jerál Koopertiva MS, Marcelo Amaral dehan estasionentu estabelese ona, sei analojia karik iha saude koalia ba anatomia, fisiolojia no psikolojia. Iha  Anatomia ne’e kapaas ona, fatin perparadu ona, estrutura loos ona.

“Husu ba kolega seguransa sira, atu atende ema karik atende ho didiak, labele kasar, ne’e buat rua ne’ebe iha diferente, tanba ida ne’e mak ita nia atendimemtu públiku ne’e tenke ho diak. Ita iha fatin ne’ebe kapaas ona, regra iha ona, agora nusa mak tenke aplika regra  ho didiak, ida ne’e papel importante husi kolega seguransa sira. Espera katak ita boot sira aplika regra sira ne’e ho diak,” dehan Diretó Jerál kooperativa MS , Marcelo bainhira partisipa iha serimonia inagurasaun ba estasionamentu veíkulu ka parajen, iha HNGV, Kinta 13/01.

Nia dehan se karik koñesimentu la to’o, bele husu Polisia sira bele halo treinamentu diak liu tan, atu nune’e bele halo atendementu diak liu. Kualidade atendimentu ne’e laos deit mai ema rekopera tiha, ida ne’e dehan kualidade, maibe atendemenru husi fatin estasionamentu ne’e mós Importante.

Iha fatin hanesamnDiretór Ezekutivu Hospitál Nasinál Gidu Valadares (HNGV),  Alito Soares, gradese tanba bele finaliza ona konstrusaun  parajen A, B, C ho D. no ohin  bele halo inaugurasaun ba iha estasionamentu veíkulu ka parajen ne’e.

“Ohin ita haree ona rezultadu ida ne’e, iha tempu badak, ita sei uza atu bele apoiu ba ita nia vizitante sira no ba sira ne’ebé akompaña pasiente sira  mai atu halo atendementu iha hospitál ida ne’e. No mós ba ita nia vizitór VIP sira , tanba sira iha tempu balun mós mai vizita hospitál no mós ba vizita ita nia pasiente ne’ebe iha sala internamtu,” Dehan Diretór Ezekutivu HNGV.

Nia haktuir durante iha fulan tolu iha disturbasaun liga liu-liu ba Iha vizitór ho  parajen sira kada vez, haree iha dalan públiku, karreta ho motorizada para iha dalan públiku halo disturbasaun hotu, no ema kritika makaas ba hospitál HNGV, katak hospital laos halo atendementu klinika deit maibe hospitál sai fali terminál Becora.

“Ita kampaña iha media sosial  kada vez ema kritika  makaas katak hospital ne’e laos atendememtu ba klinika deit, maibe hospitál sai tiha terminal Becora. Ho razaun sira ne’e mak,  ita hotu konkorda, hospital iha hanoin perpara kondisaun. Kondisaun mak ita prepara ba parajen sira ne’e, oinsa atu utiliza, akomula facelita ita nia vizitante, ita nia akompañamentu ba pasiente sira durante  halo konsulta iha hospitál ne’e ,” hakotu nia.

Print Friendly, PDF & Email

LEAVE A REPLY

Please enter your comment!
Please enter your name here