Home Notisia Sei Aplika Selu Parajen Ba Karreta Ho Motorizada Iha HNGV Iha Tempu...

Sei Aplika Selu Parajen Ba Karreta Ho Motorizada Iha HNGV Iha Tempu Badak nia Laran

965
0
Diretór Ezekutivu HNGV, Alito Soares. [Foto: David | 13.01.2022]

Reportajen David da Costa Gusmao

Hospitál Nasionál Guido Valadares (HNGV) iha ona rergas katak, bainhira karreta ho motorizada ne’ebe  atu para iha estasionamentu veíkulu ka parajen A nian, liu oras haat mak sei selu parajen

Diretór Ezekutivu HNGV, Alito Soares dehan sei kria kondisaun durante períodu oras haat nia laran, ho razaun katak pasiente ida mai halo tratamentu iha banku de urjénsia, ba entendimentu iha foli klínika sei  atende durante oras rua ka tolu nia laran, ho ida ne’e karreta ne’ebé para iha estasionentu veíkulu ka parajen A bele sai bainhira atendememtu hotu ona.

“Karik liu oras haat mak sira la sai husi parajen A, ita sei aplika kobransa ne’ebé mak governu sira aplika iha dalan sira,  iha loja, otél no iha fatin balun ne’ebe ita kuandu halo parkir ita tenke selu ne’e,” esplika Diretór HNGV Alito, iha HNGV, Kinta 13/01.

Nia dehan iha Janeiru to’o Marsu ita sei fasilita gratuita ba iha motorista sira, atu para iha estasionamentu veíkulu  ka parajen A, maibe liu fulan tolu ida ne’e sira sei selu bainhira sira halo parkiran iha estasionamentu veíkulu ka parajen A bainhira liu oras haat.

Ho ida ne’e HNGV sei halo konsellu hamutuk ho ekipa  parte legal nian, prepara hela draft balun no koordena mós liña ministerial, DNTT,  jurídika atu bele haree draft sira ne’e, atu nune’e liu tiha  fulan tolu “ita sei implementa kobransa ba iha  estasionamentu veíkulu ka parajen A nian bainhira motorista sira halo parkiran liu oras haat”.

Tanba HNGV hanesan instituisaun governu nian, mos iha regulamentu interna órgaun ospitál mós deskreve ida ne’e. Iha regulamentu de konsellu ospitál mós foti referénsia sira husi ida ne’e. Ho ida ne’e sei halo koordena  didiak ho sira, atu sira bele kumpre regra ne’ebé mak iha.

Nia salienta iha parajen A, B, C ho D sei tuir ida-idak nia definisaun.  iha estasionamentu veíkulu/parajen A autoriza deit ba karreta, motirizadas no veíkulu portadór defisiensia vizitante. Ho durasaun parajen, autoriza deit horas haat (4),  labele liu horas haat nune’e vizitante sira seluk iha diretu hanesan atu mai halo parkiran iha ne’e. Wainhira estasionamentu veíkulu ka parajen A nakonu , vizitante sira bele para  iha estrada publiku área Bidau toko baru nian.

Parajen B, C ho D ne’e autoriza deit ba funsinonáriu HNGV, hanesan Enfermero/as, parteira, mediku, tekniku aliadu, traballador limpeza, lavandaria, chattering, no inklui parseiru St. Jhon de Deus ho RACS. No parajen iha enfermaria izolamentu, no kapela nia oin ne’e autoriza deit ba parkiran karreta operasional HNGV nian.

Print Friendly, PDF & Email

LEAVE A REPLY

Please enter your comment!
Please enter your name here