Home Saude Kampaña Imunizasaun Iha Sentru Saúde Osso-Queli Vemase, Oinsa Prevene-an Husi Dengue, TBC,...

Kampaña Imunizasaun Iha Sentru Saúde Osso-Queli Vemase, Oinsa Prevene-an Husi Dengue, TBC, Diabetes, Saude Inan no Oan

571
0
Ekipa Saúde Foto Hamutuk Ho Autoridade Lokal Sira iha Sentru Saúde Osso-Queli Vemase Baucau, (Foto Mena | 21.11.2023]

Reportajem Filomena da Conceição

Ministério Saúde hala’o sensibilisaun Kampaña Imunizasaun ho tema” Integradu Edukasaun no promosaun saúde” ba Autoridade sira Iha Sentru Saúde Osso-Queli, Postu Administrativu Vemase, Munisípiu Baucau.

Representante  Ministério da Saúde, Paulina Pinto, hateten,   Ministério Saúde, tinan ida ne’e, hamosu tan ona,  diresaun Nasional Edukasaun no Promosaun Saúde, atu fasilitai formasaun ba komunidade sira hodi  bele prevene an husi moras sira hanesan: Dengue, TBC, Diabetes, HTA, Saúde Inan no Oan, Nutrição no asidente Tráfico

“Ohin ita hahu ona fahe formasaun, no tuir planu sei tun ba kada eskola no suku sira, ligadu ba moras sira ne’ebé mak a’as iha ita nia centru saude sira liuhusi fahe informasaun no halo sensibilizasaun  ba kauza  husi moras sira, atu tenke esplika di’ak ba sira atu sira bele komprend,” dehan Representante MS Paulina Pinto  ba jornalista sira iha sede suku Loi-Lubo, Tersa, 21/11.

Nia hatutan,  Objetivu husi promosaun ne’e atu lori informasaun sira hodi to’o iha baze atu ema hotu-hotu bele komprende atu bele halo prevensaun ba nia an hodi bele hakbesik ba iha sentru saude sira, tanba ita hare’e ba taxa mortalidade ne’ebé a’as no asidente ne’ebé mak Maka’as no moras hada’et no la hada’et ne’ebé kontinua mosu

Nia esplika, Ministra da saúde iha hanoin ida  katak labele halo promoção iha ida de’it, tanba ne’e mak deside katak hodi tau liafuan ida ho naran programa integradu saúde, ne’ebé kompustu  husi programa nutrição ba Inan no Oan sira, programa moras hada’et no la hada’et no involve mós husi parte  trangitu.

“Formação ne’e, Hahu husi, Autoridade Lokal,  admisnitrador postu, atu sira rona uluk informasaun sira ne’ebé mak ita fo kampana dadaun ne’e molok to’o ba baze atu nune’e bele servisu hamutuk hodi lori informasaun hirak ne’e hodi to’o iha baze” Nia hateten.

Iha fatin hanesan, ko’ordinadór Gropu Suporta Inan, Fransisca Sebastiana Freitas hateten, Nia kontente ho sensibilizasaun ne’ebé parte Ministério Saúde fasilita tanba bele lori Nia hodi aprende buat foun ruma hodi bele implementa iha terenu.

“Hau kontente tanba liuhusi sensibilisaun ne’e, bele lori  ha’u aprende buat ne’ebé ha’u seidauk rona ka rona ona maibé seidauk kompletu” dehan Paulina ba Neon Metin.

Nia akresenta, Hanesan feto ida, no hanesan mós ko’ordenadór  ba Gropu Suporta Inan, buat ne’ebé mak nia aprende iha sei la hotu iha nia, maibé sei kontinua fahe tutan ba grupu inan sira, atu sira mós bele hatene hodi bele prevene sira nia an ho seguru.

Entretantu, sensebilisaun ba formasaun refere hala’o iha Centro saúde Osso-Queli, hetan participação husi representante Ministra Saúde, representante Administradór postu-Administrativu Vemase, adjunto Komandante eskuadra Vemase no autoridade lokal sira.

Print Friendly, PDF & Email

LEAVE A REPLY

Please enter your comment!
Please enter your name here