Reportajen SIlvino Freitas
Grupu Kaer Ajuda Rasik Besik Ema (KARBES) halao ninia produsaun ba strawberry no hortikultura hahu tinan 2016 too dadaun ne’e husi rezultadu grupu ne’e sira harii tan grupu Rai no Impresta, maibe grupu ne’e mos infrenta hela situasaun maka mudansa klimatika ne’ebé halo sira susar hetan produsaun iha tamba tempu udan been barak sei halo sira nia produsan bele dodok no bailoron susar atu hetan produsaun diak tanba bee ne’ebé menus.
Responsavel Grupu KARBES Fransisco Maria Lopez dehan, hahu iha tinan 2016 programa ida husi USAID nia naran Avansa ne’ebé motiva nia hodi harii nia grupu rasik hanesan grupu agrikultor ida iha postu Maubisse rasik too projetu ne’e remata sira halo kedas kolleta ba nia produsaun iha suku Aituto Maubisse, durante tinan 2 nia halo produsaun individu rasik hafoin ne’e mak husi NGO Maharu mak implementa fali projetu ida naran Toos Uma Hun iha ninia grupu rasik.
“projetu ne’e hahu iha fulan marsu too fulan junu tinan 2025 sira remata entaun ho rezultadu ne’e mak ba aprezenta iha munisipiu Ainaro husi ne’e mak sira rai mos fundu balun entaun ami harii tan grupu ida tan mak rai no impresta nian” Responsavel Grupu KARBES Fransisco Maria Lopez bainhira partisipa iha ekspozisaun ne’ebé organiza husi Oxfam no APFTL iha Rabilau-Maubisse, (12/08).
Responsavel Grupu KARBES Fransisco Maria Lopez dehan tan, durante nia harii grupu refere halo nia susesu tebes no hetan rendimentu ne’ebé diak nune’e nia mos bele hetan fundu $2000 hodi tau iha sira nia grupu hodi harii tan grupu ida rai no impresta, maibe durante harii grupu refere iha dezafiu ne’ebé nia infrenta mak konaba mudansa klimatika maka bailoron naruk bee menus no iha tempu udan been ne’ebé makaas fo impaktu ba produsaun menus.
“kona-ba strawberry ami husi programa Avansa durante tinan 5 sira hanorin tekniku kuda entaun mai kontinuasaun Maharu nia programa hau hanesan xefi grupu ami lao nafatin no iha ona hanoin atu asegura produsaun strawberry no hortikultura iha klima hotu” dehan Xefe grupu KARBES.
Grupu KARBES iha ninia membru hahu grupu ne’e lao iha ema nain 16 feto 4 mane nain 12 ho rezultadu husi Maharu nia implementasaun, nune’e tanba grupu nia klasifikasaun produsaun ne’ebé diak entaun grupu ne’e kontinua hetan apoia no eziste too dadaun ne’e, nune’e husi rezutadu produsaun husi grupu ne’e mak halo sira bele kria kreditu no rai osan.
