Home Saude Jornalista Sira Ne’ebe Prontu, Ohin Simu Ona Vasina COVID-19 AstraZeneca

Jornalista Sira Ne’ebe Prontu, Ohin Simu Ona Vasina COVID-19 AstraZeneca

343
0
jornalista sira ohin iha CCD simu vasina COVID-19. [Foto: Zevonia Vieira | 16.04.2021]

Reportazen Zevonia Vieira

Ohin jornalista sira ne’ebe pronto, hosi kada instituisaun ne’ebe halo serbisu durante iha surtu COVID-19 no nudar frontline, simu ona vasina AstraZeneca iha Centro Convensaun Dili (CCD).

Tuir Koordenador Forsa Tarefa Prevensaun no Mitigasaun, Dra.Odete Viegas esplika hanesan kalendariu no planu ne’ebe mak iha ona, prioridades vasina 20% ne’ebe ba frontline katak ema ne’ebe serbisu kedas ho moras sira hanesan professional saude, F-FDTL, PNTL, bombeiros, media, ema sira ne’ebe serbisu iha fatin isolamento no kuarentena (senguransa, cleaner), ema sira ne’ebe mak serbisu konaba hamoos lixu, saneamentu no bee, eletrsidade. Sira ne’e hotu mak sai prioridade agora dadauk atu simu.

Nune’e jornalista sira ne’be organiza hosi Ministeriu Komunikasaun Sosial no Parlamentares (MAPKOSM) ba hamutuk hotu iha CCD hodi simu vasina COVID-19 AstraZeneca.

Jornalista Neon Metin, David da Costa Gusmao ne’ebe simu ina vasina deklara katak nia hakarak simu vasina COVID-19 tanba atu prevene nia an husi virus COVID-19.

“Bainhira hau ba simu vasina, hau la senti buat ida maibe hau simu tiha vasina ne’e mak foin senti liman kabas ida sona fatin ne’e moras, maibe laos moras boot hanesan moras ne’ebe mak kamaan”, konfesa David

Tuir observasaun Neon Metin hatudu katak jornalista sira iha antusiasmu hodi hetan vasina COVID-19, tanba durante ne’e halao serbisu ne’ebe hasoru risku boot, karik bele daet virus Corona no bele lori virus daet ba ema seluk.

Hosi prosesu atu hahu simu vasina, ekipa vijlansia Ministeriu Saude sei rejista naran koko tensaun, sekarik tensaun sae presija deskansa bainhira normal bele simu vasina. Ekipa saude mos esplika katak iha loron ida ka rua nia laran sei iha reasaun hanesan liman fatin tuu daun sei moras no bubu oituan ka isin manas, maibe bele hemu paracetamol.

Print Friendly, PDF & Email

LEAVE A REPLY

Please enter your comment!
Please enter your name here