Home Saude Frontline Inklui Jornalista no Ekipa Ne’ebe Hamoos Lixu Prioridade Simu Vasina AstraZeneca

Frontline Inklui Jornalista no Ekipa Ne’ebe Hamoos Lixu Prioridade Simu Vasina AstraZeneca

478
0
Koordenador Forsa Tarefa Prevensaun no Mitigasaun, Dra.Odete Viegas. [Foto: Zevonia Vieira | 16.04.2021]

Reportazen Zevonia Vieira

Vasina AstraZeneca nudar meius importanye ba ema hotu atu hetan, iha situasaun pandemia COVID-19, hodi hamenus risku hasoru Sars-CoV-2 iha ita nia isin lolon.

Iha loron 16 Abril iha Centro klinika Farmoza, hatudu katak ema barak ne’ebe la tama iha frontline, iha antusiasmu hakarak hetan vasina AstraZeneca. Hosi situasaun refere Koordenador Forsa Tarefa Prevensaun no Mitigasaun, Dra.Odete Viegas esplika ba jornalista sira katak bad ala uluk husu deskulpa ba ema hotu ne’ebe mak mai hotu iha ne’e, hanesan kalendariu no planu ne’ebe mak iha ona, prioridades vasina 20% ne’ebe ba frontline katak ema ne’ebe serbisu kedas ho moras sira hanesan professional saude, F-FDTL, PNTL, bombeiros, media, ema sira ne’ebe serbisu iha fatin isolamento no kuarentena (senguransa, cleaner), ema sira ne’ebe mak serbisu konaba hamoos lixu, saneamentu no bee, eletrsidade. Sira ne’e hotu mak sai prioridade agora dadauk atu simu.

Dra. Odeta hatutan alende frontline sira, ema sira ne’ebe moras tensaun, kurasaun, fase ran, asthma, moras respiratoriu, diabetes no kankru, ema sira ne’ebe idade 70 ba leten mos tama iha prioridade.

Dra.Odete hateten depois de implementasaun ita observa, ema sira ne’ebe laos frontline mos balun hetan tiha ona vasina. Iha protesta balun ami rekonnese, “tanba ne’e mak hau nia prezensa ohin iha ne’e, atu informa liu-liu maluk estranjeiru sira hanesan emprejariu sira, karik mos tanba informasaun sira hosi ami la dun makaas. Maibe ami mos agradese ema barak mai, no vasina ne’e laos obrigatoriu maibe ema antusiasmu hakarak mai vasina, ne’e signifika ema barak most auk COVID-19, maske ema barak dehan COVID ne’e bosok”.

“Ami labele atende ohin hotu, tanba mos limitasaun de vasina no limitasaun ba spasu, tanba ne’e mak ohin no aban ami tenke limita ema ne’ebe tenke simu, depois semana oin mak ami hare fali, tanba vasina ne’e mos nia expire iha fulan Maiu. Portantu ita tenke hare espera 24 mill doses ne’e iha tempu badak sei hotu no sei mai tan fali 10 mill doses, ne’ebe apoiu hosi governu Australia. Ema hotu sei simu maibe presiza mak tempu deit, tanba tempu sei to’o ema hotu sei simu”, dehan Dra. Odete iha centro saude Farmosa, 16/04.

Dra. Odete mos klarfika katak iha kondisaun esepsional mak hanesan ema sira ne’ebe serbisu ba Primeiru Ministru hanesan asesora sira n Xefe Gabinete sira, iha konsiderasaun tanba sira kontaktu besik no presiza asegura sira mos

Portantu iha Dili vasina hamutuk 13 mill, no ema ne’ebe hetan ona vasina to’o loron ohin mais menus 4 mill, signifika agora vasina iha Dili sei iha 9 mill doses, tuir kalkulasau iha loron 23 Abril tenke hotu ona.

“Agora ita nia preokupasaun mak frontline sira mai hotu ka lae, tanba sa sira la mai hotu. Ita frontline sira mak tauk fali no sira laos frontline mak la tauk fali, ida ne’e problema boot. Media sira tenke hetan ulun, ita tenke proteje ita nia an uluk, mak proteje sira seluk”, hateten Dra. Odete Viegas

Print Friendly, PDF & Email

LEAVE A REPLY

Please enter your comment!
Please enter your name here