Home Notisia HNGV Gasta Orsamentu $120 mill Resin, Hodi Halo Konstrusaun Parajen 4

HNGV Gasta Orsamentu $120 mill Resin, Hodi Halo Konstrusaun Parajen 4

126
0
Parajen iha HNGV. [Foto: David | 13.01.2022]

Reportajen David da Costa Gusmao

Halo konstrusaun estasionamentu veíkulu ka parajen  haat iha Hospital Nasionál Guido Valadares (HNGV) gastu orsamentu hamutuk  $120 mill resin.

Diretór Finansa Hospital Nasional Guido Valadares (HNGV), Raul Humberto Gama dehan halo konstrusaun ba iha veíkulu ka parajen ida ne’e, halo husi Orsamentu Jerál Estadu (OJE) 2021 nian.

“Orsamentu ba iha konstrusaun mak ohin hau koalia tia ona katak, iha parajen A ne’e nia gastu ne’e, 40, 514. 03,depois ba fali iha parajem B ne’e gastu 40,049.08, no ba iha parajem C ho D ne’e gastu 41, 423.48 no totál ne’e  120 mill resin,” dehan Diretór Finansas HNGV Raul iha HNGV, Kinta 13/01.

Nia haktuir halo veíkulu ka parajen ne’e laos kompañia ida deit, maibe iha kompañia tolu mak halo obra ida ne’e. Kompañia  Goveia star, Unipessoal LDA mak halo parajen A, kompañia Carramen Unipessoal LDA mak halo parajen B, no iha C ho D ne’e Kompañia União 17 Unipessoal LDA mak halo.

Sirkulasaun jerál iha HNGV sei tuir regas sira ne’ebe iha maka, velosidade tenke moderada no labele liu 20 km/h, labele uza sinál sonoru, hanesan buzina, sirkulasaun no para karreta ho motór tenke tuir kódigu estrada.

Orientasaun husi seguransa obriga ema hotu tenke halo tuir, labele para kareta ko motór iha fatin  ne’ebe la autoriza no labele pratika asaun ne’ebé sei difikulta sirkulasaun karreta ka motór.

Print Friendly, PDF & Email

LEAVE A REPLY

Please enter your comment!
Please enter your name here