Home Justisa Durante EE FOKUPERS Simu Kazu VD, VBJ, Violasaun Sexual Ba Feto no...

Durante EE FOKUPERS Simu Kazu VD, VBJ, Violasaun Sexual Ba Feto no Labarik Feto Total 23

426
0
Diretora Exekutiva FOKUPERS, Maria José Guterres. [Foto: Francisco JDA | 03.07.2020]

Reportazen Francisco JDA

The Internasional Republikan Institute (IRI) organiza diskusaun meja de redonda entre sosiedade civil no Parlmentu Nasional, ho objetivu atu rona diretamente kona ba atividade ka informasaun sira ne’ebé durante nee akontese iha  estadu emergencia no Covid-19,  no  relata ba Membru Parlamentu sira, nune’e bele deskute iha Uma Fukun Parlamentu Nasionál, atu  bele buka solusaun kona ba Violensia Domestika, Violensia Bazeia ba Jéneru, Violensia Sexual ne’ebé feto maluk no labarik feto  minoridade sira hasoru.

Iha Diskusaun refere Diretora Exekutiva Forum Komunikasaun Feto Timor Lorosae (FOKUPERS), Maria José Guterres hateten durante Estadu Emergencia FOKUPERS hamutuk ho Parseiru sira estabelese ona hanoin, atu liga Uma Entrada Dili, Baucau, Oe-cusse ho objetivu feto no labarik sira ne’ebé hetan violensia bazeia ba jéneru, sira sei mai hela iha uma entrada durante loron 14 hafoin entrega ba Uma Mahon sira.

“Durante fulan tolu nia laran hahú hosi 27 Marsu to’o 30 Junhu ita simu vitima hamutuk 23, ho nia tipu kazu violensia domestika 14, violasaun sexual ho menor 7, violensia públiku ba labarik 1 no abandona 1, no familia sira ne’ebé mak tuir hamutuk 18, vitima no familia sira hamutuk 41, impaktu hosi violensia no labarik sira ne’e tanba ekonomia hahán la iha”,  tenik Diretora Exekutiva FOKUPERS Maria José Guteres, iha Tower Fatuhada, 03/07

Iha diskusaun Diretora FOKUPERS Maria José Guterres, rekomenda ba membru Parlamentu sira katak, presiza hare osan kontijensia, tanba osan ba buat seluk iha maibé atu tau ba vitima bazeia ba jéneru iha kazu emergencia la iha,  “entaun ne’e la justu, maske organizasaun mak hasai rasik osan fo apoio ba vitima sira. Uma Mahon Oe-cusse durante estadu emergencia sira la iha hahán, atu fo ba vitima sira tanba ne’e preokupasaun boot”.

Nia reforsa tan presiza halo sosializasaun ba prevensaun Covid-19, tanba wainhira iha transmisaun lokal ne’e perigu ba ema hotu, mesmu estadu emergencia bele hotu, maibé Covid-19 seidauk hotu no presiza tau atensaun ba instalasaun bee iha fatin públiku sira no kontinua halo sosializasaun nune’e ema labele estraga.

LEAVE A REPLY

Please enter your comment!
Please enter your name here