Home Notisia Colegio Sao Jose Operariu Reativa Ona, MEJD Husu Alunus, Manorin no Inan...

Colegio Sao Jose Operariu Reativa Ona, MEJD Husu Alunus, Manorin no Inan Aman Serbisu Hamutuk Nafatin

396
0
Eskola Colegio Sao José Operariu. [Foto: Francisco JDA | 02.07.2020]

Reportazen Francisco JDA

Ministeriu Edukasaun Juventude Desportu (MEJD) ofisialmente re-abertura Eskola Colegio  Sao José Operariu, ne’ebé paradu durante Fulan tolu nia laran, tanba kauza hosi moras Pandemia Covid-19, maibé ohin re-abertura hikas prosesu aprendizajen no priense ona kriteria hosi Organizasaun Mundiál Saúde (OMS) no Ministeriu Saúde

Iha Diskursu Ministru Edukasaun Juventude Desportu (MEJD), Armindo Maia hateten, eskola ne’ebé ne’ebe iha ona preparasaun ne’e lubuk ida ona, iha territóriu laran bele reativa fila fali ona no eskola  Colegio Sao José Operariu rasik priense ona rekejitus atu bele loke fila fali.

“Ha’u espera katak bainhira imi fila fali ba eskola, esforsu makaas hodi rekupera lalais tempu ne’ebé imi lakon ona fulan rua to’o tolu no mós materia ne’ebé imi la aprende, tanba ne’e mak ha’u husu ba alunus no Profesores sira esforsa-an,  Ministro mesak mós sei la bele halo buat ida. ida-idak iha nia responsabilidade, hamutuk inan aman sira ita hotu iha responsabilidade so nune’e mak ita manán funu ne’ebé ita hasoru, ba inimigu ne’ebé mak ita la hare Covid-19 ka Inimigu Invisivel”,  tenik MEJD Armindo Maia iha Balide,eskola Sai José Operariu,02/07

Armindo Maia reforsa tan iha problema eskola balun bee la iha, estadu  tenki buka mekanismu ida oinsá mak sira mós bele priense rekejitus, tekniku sira komesa estuda, oinsá mak bele hamutuk ho komunidade, bele ultrapasa problema ida ne’e.

Iha Fatin Hanesan Diretor Eskola Sao José Operariu Pe. Venceslau de Deus esplika katak moras Covid-19 afeta iha mundu tomak, ema hotu hili liu hakmatek iha uma prevene moras ida ne’e, atu nafatin iha kondisaun di’ak, nunee ikus mai bele hahú fali atividade edukasaun ba prosesu aprendizajen sira.

Colegio Sai José Operariu hahú ho ensinu baziku sikulu 1,2,3  no mós iha ensinu sekundaria,  maibé buat balun mak seidauk kompletu, eskola refere sei kontinua esforsu hodi kompleta, atu nune bele halo Prevensaun hosi moras Covid-19.

Print Friendly, PDF & Email

LEAVE A REPLY

Please enter your comment!
Please enter your name here