Home Notisia Lú Olo: Suai Sai Prioridade Tenke Hetan Programa Bee-Moos Ba Povu nia...

Lú Olo: Suai Sai Prioridade Tenke Hetan Programa Bee-Moos Ba Povu nia Moris Diak

695
0
Kandidatu PR, Lu Olo halo abertura kampanha iha Gleno. {foto: Santy | 03.04.2022]

Reportajen Santina Lucia da Costa

Iha kampaña Kandidatu Prezidente Repúblika ho numeru sorteiu 2, Dr. Francisco Guterres Lú Olo, iha nia komprimisu politika katak, Suai sai prioridade liu mak tenke asesu bee-moos no programa ne’e sei nafatin iha Lú Olo nia neon, maibe tan de’it Covid-19 la konsege implementa maibé Lú Olo fiar bainhira eleitu ba PR sei implementa ba povu Covalima.

Lú Olo, hateten Suai sai prioridade liu mak tenki hetan bee-moos para povu sira ne’e bele moris di’ak.

“Hau hatene Suai susar liu ba bee, iha loron 28 Novembru tinan kotuk liu hau mai duni iha Suai hodi koalia ba Suai oan sira katak, ba Suai Prioridade liu mak tenki hetan bee-moos para povu sira ne’e bele moris di’ak, programa ne’e sei nafatin iha hau nia neon tanba de’it covid-19 governu la konsege implementa ida ne’e, maibé hau fiar katak governu ida kompetente VIII Governu sei serbisu hamutuk ho Lú Olo, hau re-kandidata ba Prezidente Republika hau fiar katak governu bele halo implementasaun ida ne’e.” Komprimisu Kandidatu PR, Francisco Guterres Lú Olo, iha Suai, Munisipiu Covalima, Domingo, 3/4.

Lú Olo dehan projetu iha ona estudu para atu bele dada bee husi foho tama iha sidade, maibé iha mós posibilidade atu bele halo estudu tan hodi bele taís fali tasi been hodi halo hariis tiha bee atu bele lori fila-fali mai populasaun. Hadia estrada, hadia kondisõens oioin iha villa Suai, povu suai nia moris di’ak.

“Programa ne’e hotu, hau fiar katak eleitu dala ida tan ba Prezidente Republika hau sei halo, hau sei halo hamutuk ho governu.” hateten, Lú Olo.

Tanba ne’e Lú Olo hateten ba povu Suai katak, bainhira sai Prezidente Republika sei sai Prezidente ba povu tomak no Lú Olo fiar sei manan iha Suai.

 “Hau mai iha ne’e husu ba imi, ba inan-aman sira hotu atu bele sukat, no hanoin didi’ak hamutuk ho familia sira para bele vota iha iha loron 19 Abril agora vota ba Numeru 2, para hau bele kontinua hau nia serbisu, hau husu ida ne’e ho vontade hau nian tomak, hau fiar hau sei manan iha Suai.” dehan, Lú Olo.

Print Friendly, PDF & Email

LEAVE A REPLY

Please enter your comment!
Please enter your name here