Reportajen Joselina dos Reis no David Costa
Kómite 12 Novembru ezije ba governu liu-liu Ministeriu Kombatente atu fó sansaun ba kompañia lokal ne’ebé maka kontratadu hodi halo monumentu rate 12 novembru maibé to’o agora lala’o to’o tinan rua ona maibe monumentu refere seidauk termina. Nune’e komite sei esforsu atu kompañia bele halo monumentu ne’e.
Iha Komemorasaun Loron Masakre Santa Kruz ne’e, Prezidente Komite 12 Novembru, Gregorio Saldanha ba Neon Metin, hateten, Monumento rate 12 novembru ne’e Komite 12 Novemru protestu no luta ona liuhosi protestu halo surat halo Kritiku hasoru Ministru Kombatente atu bele termina konstrui monumentu refere.
“Agora desizaun atu aselera monumentu ne’e ita hein katak tinan ida bele aselera lalais, tanba tarde los tuir lolos governu foti sansaun hasoru kompañia ne’ebé halo kontratu tanba ne’e kompotensia governu nian ami ezije hela, maibé seiduak monumentu ne’e tina rua ona maibé seidauk hotu to’o agora,” dehan Prezidente Komite 12 Novembru Gregorio Saldanha ba Neon Metin iha Semiteriu Santa Kruz, Domingo 12/11.
Nia haktuir, Komite 12 Novembru hanesan benefisiariu hala’o nia knaar, kritika protestu iha reuniaun sira, maibé la muda buat ida komite halo surat lori ba hasoru Ministru Kombatente iha solusaun ona atu ba oin.
Iha fatin hanesan Vise Primeiru Ministru, Ministru Koordenadór Asuntus Sosiais no Ministru Dezenvolvimentu Rural no Abitasaun Komunutária, Mariano Assanami Sabino, hateten, kompañia manan tiha tender maibé konstrusaun ba monumentu lala’o parado to’o tinan rua, nia problema iha ne’ebé, maibé governu sei buka tuir atu hatene nia kausa iha ne’ebé.
“Ha’u hanoin, ha’u sei hare’e, tanba nu’udar Ministru Koordenadór b asuntu ida ne’e ha’u sei haree i tau matan iha tempu badak, tanba sa maka lala’o, problema ne’e iha ne’ebé, kompañia manan tiha depois lala’o to’o agora, sei laiha kapasidade fó ema seluk para kaer, labele husik hela monumentu ne’e,” nia esplika.
Nia haktuir monumentu ne’e nia osan parese ba fali tiha ona kofre estadu, tanba normalmente orasamentu ne’e sempre iha tinan ida tau iha fundus mos tenke fazehadamente, tenke tinan ida to’o iha ne’ebé para aumenta fali ba ema seluk, ne’ebé governu sei haree.
