Home Notisia Sobrevivente 12 Novemberu Francisca Husu Joven Feto Sira Aproveita Estuda Hodi Kontribui...

Sobrevivente 12 Novemberu Francisca Husu Joven Feto Sira Aproveita Estuda Hodi Kontribui Ba Dezenvolvimentu

879
0
Sobrevivente Masakre Santa Kruz 12 Novembru 1991, Francisca M. de Ataide de Carvalho (Foto: Joselina 13.11.2023]

Reportajen Joselina dos Santos

Komemorasaun loron masakre 12 Novembru ba dala-32, Sobrevivente sira husu ba  joven feto sira aproveita Timor nia Independénsia hodi eskola no estuda, liuhosi kreatividade oin-oin atu kontribui ba dezenvolvimentu nasaun. Tanba joven barak mak sosa isin no ran ba Timor nia ukun aan, nune’e husu joven sira hapara violensia hodi prepara aan ba futuru.

Sobrevivente Francisca M. de Ataide de Carvalho moris iha loron 9 Marsu 1968, Suku Bairo Pite, Postu-Administrativu Dom Aleixo, Munisipiu Díli konta katak, Iha loron 12 Novembru 1991 ne’e, nia servisu hanesan Klandestina objetivu atu hatene informasaun kona-ba Timor nia Independensia. Entaun iha tempu ne’eba nia servisu nanis hafoin tama ba loron 12 Novembru.Tanba primeiru akontesimentu ne’e loron 28 fulan Otumbru depois mak tama iha 12 Novembru loron Sebestião Gomes nian.

“Ha’u invole iha Iha  loron Masakre Santa Kruz 12 Novembru ne’e ho 20 anos, joven hotu hamutuk iha Igreja Motael iha 7:00 horas depois sai husi iha ne’e ba loke Bandeira iha tasi ibun hamutuk Prezidente Komite 12 Novembru, nia mak ema primeiru lori joven sira ba partisipa iha komemorasun loron Masakre Santa Kruz”, dehan, Sobrevivente Francisca Hafoin Misa Agradesimentu Loro 12 Novembru ba Neon Metin iha Parokia Santo António Motel, Domingo 12/11.

Francisca envolve iha loron 12 Novembru tanba hakarak buka ukun rasik aan, Timor presiza moris livre no hakmatek tanba iha momentu ne’eba Militár Indonészia sira baku no halo terus Timor oan barak ho moris ne’ebé la dignu bainhira joven sira kontra Militár Indonézia sira. Nune’e juventude Loriku Asuwain sira luta ba nia liberdade ikus balun tenke lakon vida no balun sai vitima ba violensia oin-oin husi Militár Indonezia.

“Feto uluk luta hodi defende lialoos no manan ukun aan maske hetan violensia hanesan violasaun seksual no violensia fizika husi bapa sira maibe nafatin esforsu tanba hakarak ukun aan. Maibe feto  agora diferente tebes tanba moris iha nasaun demokatiku tenke prepara aan hodi sai ezemplu diak ba mundu katak Timor feto mos bele laso mane deit”, nia informa.

Feto sira uluk eskola to’o Primária ka Sekundária tanba tauk Militár Indonézia sira ne’ebé sempre halo violénsia hasoru feto. Entaun iha tempu ne’ebá feto sira tenke buka maneira hodi salva aan se lae sira bele hetan  oho no perkosa. Maibe Feto sira agora mudansa tebes tanba buat hotu dezenvolvimentu teknolojia, entaun presiza estuda atu aproveita opirtunidade sira ne’e hodi ba oin hodi kontrui ba rai Timor.

Iha parte seluk, Prezidente Komite 12 Novembru Gregorio Saldanha hatutan, iha loron juventu ne’e tuir loos joven sira tenke partisipa maximu atu bele hanoin hikas joven sira ne’ebé oferese sira nia aan ba rai ida ne’e, laos halo violensia beik-beik maibe hapara violensia tanba joven sira uluk ne’e luta na independensia laos kria violensia hodi hamosu problema.

Print Friendly, PDF & Email

LEAVE A REPLY

Please enter your comment!
Please enter your name here