Home Saude Klinika Vera Cruz Sei Utiliza Nudar Fatin Isolamentu

Klinika Vera Cruz Sei Utiliza Nudar Fatin Isolamentu

1003
0
Diretur Jeral Ministerio Saude, Odete Viegas da Silva. [Foto: Francisco JDA | 21.03.2020]

Reportazen Francisco JDA

Ekipa Tekniku  Ministerio Saude no linha Ministeriais sira  halao enkontro ho objetivu  aprezenta pillar 5 ba relasaun serbisu ho atividade saude nian hanesan komunikasaun, prenvensaun, koordenasaun resposta lalais ba risku, ekipa iha hotu ona, nune’e atu foti asaun imediata ba kuarentena no fatin  izolamentu presiza tebes halo buat ruma ona.

Diretora Jeral Ministerio Saude, Odete Viegas da Silva ba jornalista sira hatete, sei halo mobilizasaun moras sira hosi Vera Cruz ba Formosa, tanba Vera Cruz sei utuliza mos fatin ba izolamentu no sai hanesan alternativa ba kuarentena Tibar

“Ita nia prekupasaun, komunidade, governu instituisaun, ita nia estudante komesa tama mai barak ona karik iha Tibar mak ita la bele akomoda, ohin ami tau hanoin hamutuk ba karatina ida iha tempu badak mak fatin ne’e la apropiadu mak hotel sira ne’e sai mos hanesan referensia ida, maibe ekipa sei hamutuk fali atu fahe tarefas de servisu ne’e”,  tenik Diretor Geral Ministerio Saude, Odete Viegas Da Silva hafoin Hala’o Enkontro ho Ekipa tekniku sira hosi linha Ministerio sira iha MDS Kaikol, 20/03

Diretora Jeral Odete Viegas reforsa tan, fatin utuliza ba kuaretena mak Tibar no isolamentu mak Vera Cruz, ekipa tekniku MS sei hamutuk fali hodi mobiliza tekniku  balun ba Vera Cruz, Farmoza no Tibar nune’e ekipa konjuntu ne’e bele servisu diak liu tan.

Dra. Odete dehan iha ona profesional saude ho hamutuk 100  ne’ebe treinadu atu atende ba  ema sira ne’ebe karik iha kazu Covid-19 no izolamemntu no kuarentina.

“Profesional saude ne’ebe treinado iha ona atu atendeba ema sira ne’ebe iha kuarentena no mos karik ema sira ne’ebe iha kazu positivu,  profesional saude no balun sedauk sai profesional saude, sira ne’ebe foin graduadu ida ne’e mak sei uja, mos aplika hanesan kontratu  ba sira, laos bolu ona voluntario maibe kontratu tanba atendimentu iha area risku, ita mos tenke hare katak ne’e laos fasil ba profesional saude sira no mos ema ne’ebe servisu”, tenik Diretora Jeral Odete Viegas da Silva

LEAVE A REPLY

Please enter your comment!
Please enter your name here