Home Notisia Solidariedade Ba Vitimas Inundasaun, FRETILIN: Infrastrutura Sem Kontrolu no Estudu, Hamosu Terus...

Solidariedade Ba Vitimas Inundasaun, FRETILIN: Infrastrutura Sem Kontrolu no Estudu, Hamosu Terus Ba Povu

483
0
Konferensia nasional partidu FRETILIN. [Foto: Bozzy Costa | 14.03.2020]

Reportazen Zevonia Vieira

Dezastre natureza ne’ebe akontese iha loron 13 Marsu iha Dili, partidu FRETILIn, liu hosi konferensia nasional ne’ebe mak realiza iha loro 14 Marsu, halo deklarasaun hodi fo solidariedade ba vitimas ne’ebe afetadu hosi udan boot.

“Ho laran triste tebes, akompaña situasaun grave ne’ebé resulta husi udan bo’ot ne’ebé akontese iha loraik 13 Marsu 2020 nian, iha Munisipiu Dili. Udan bo’ot ne’ebé tun makas iha loraik refere, halo be dalan no mota sira nakonu ho bee no korenti ida ne’ebé forti, no sai husi nia dalan hodi kauza destruisaun iha area barak iha Dili laran. Familia barak lakon sira nia sasan tomak, uma barak bee tama to’o besik ema nia kanotak no estraga sasan kuaze hotu, ema balun hetan dano fisiku, inklui ema mate no seluk iha situasaun grave iha hospital nasional”, deklara partidu FRETILIN liu hosi konferensia.

FRETILIN mos hatoo katak hakarak aproveita oportunidade ida ne’e, atu apresenta sentidas kondolensias ba família enlutada sira. Natureza mai ho nia forsa, no tamba infraestrutura ne’ebé harii sem controlu no sem estudu, mak hamosu terus bo’ot liu tan ba povu.

“Natureza mai fo hanoin ba Timor-Leste nia ukun nain sira, atu kurizi sala sira hotu ne’ebé mak governu sira uluk comete tiha ona, maske gasta ona osan billoins ba billoins. FRETILIN hanoin katak ida ne’e la’os tempu atu dun sala ba malu, maibé tempu duni ona, atu hare fila fali ho didiak naksalan sira hotu ne’ebé ita hala’o tiha ona, iha ita nia prosesu dezenvolvimentu durante ne’e, hodi hare oinsa mak atu hadiak ba oin”, Hateten FRETILIN

FRETILIN mos hatoo katak apelu bo’ot ba militante sira hotu iha Dili laran, no mos populasaun hotu, atu fo’o liman ba malu, hodi ajuda maluk sira nebe’e afetadu liu, atu hakmaan sira nia susar no terus. Ajuda bele iha forma ajuda hamos, ajuda ho hahan ka roupa oitoan no nesesidade bázika sira seluk ne’ebé maluk afetadu sira kuran ka lakon, tamba impaktu husi udan boot. Ho kontribuisaun no solidariedade ida idak nian, hamutuk sei konsegue ajuda barak liu tan.

Tuir obsersaun Neon Metin komunidade sira parte leste nian, hahu hosi Becora, Taibesi no Bidau hetan afetadu boot, tanba inundasaun boot. Halo komunidade barak mak ezije governu atu responde lalais nesesidade emerjensia, ne’ebe vitima sira presiza.

LEAVE A REPLY

Please enter your comment!
Please enter your name here