Reportajen estudante estajiadu UNTL, Joanina Casemiro
Selebra ezisténsia Forum Komunikasaun Feto Timor-Leste (FOKUPERS ) ba tinan 25, ho tema “Impaktu Lei Kontra Violénsia Doméstika Durante Tinan 12” no lansamentu filme kona-ba empoderamentu ekonomia sobrevivente no violénsia bazeia ba jéneru.
Tuir Diretora Ezekutiva FOKUPERS, Maria Fatima Pereira Guterres hateten tinan 25 FOKUPERS nia ezisténsia hatudu sentidu serbisu kle’an liután, agradese ba ema idak-idak, parseiru sira, no liu-liu ba vítima sobrevivente sira ne’ebe konsege halo FOKUPERS sai forte liután.
“FOKUPERS sempre pasa hodi halo forte no metin liu tan, hodi konklui 25 anos mak ratifikasaun ba iha FOKUPERS no ba iha parseiru sira hotu, durante ne’e hamriik hamutuk nafatin ho FOKUPERS bele la’o hamutuk forte liu tan. Tinan 25 ne’e importante tebes atu selebra susesu sira ne’ebé durante ne’e ita luta hasoru violénsia ba bazeia ba jéneru no violénsia kontra doméstika hamutuk ho FOKUPERS nia parseiru sira, ita konsege liu ona progresu lubun bo’ot ida, ita konsege iha ona lei kontra violensia Domestika, ita iha ona kuadramentu legal hodi koalia kona-ba igualdade jéneru no hapara violénsia bazeia ba jéneru”, Dehan Diretora Ezekutiva FOKUPERS iha nia diskursu iha salaun Delta Nova.15/07.
Diretora ne’e hatutan tanba ne’e ami nafatin kolabora ho orasaun ho parseiru ne’ebé iha ho ema ida, komunidade hosi nivel a’as to’o mai karik nafatin la’o hamutuk hodi luta ba asuntu ida ne’e la’os ninin no rohan iha ida ne’e maibé nafatin luta ba asuntu ida ne’e tanba sai mos hanesan asuntu global nian.
“Ita serbisu maka’as nafatin atu kontra violensia bazeia ba jeneiru ne’ebé akontese iha sosiedade, maibé iha parte seluk estadu liu hosi governu iha kompromisu bo’ot hodi alkansa igualdade jéneru ne’ebé hatudu konkretamente liu hosi Ministru nia planu asaun, tau ba annual hodi aloka orsamentu jeral do estadu ne’ebé iha maibé seidauk sufisiente, tanba iha liña ministeriál balu sira nia planu karik seidauk di’ak liu hodi asegura igualdade jeneiru no hapara violensia bazeia ba jeneiru”, dehan Diretora informa
