Reportajen estudante estajiadu UNTL, Joanina Casemiro
Governu liuhusi Ministeriu Koordenadór Asuntu Ekonómiku (MKAE) asina akordu ho governu Australia, ba prosesu adeasaun iha Organizasaun Mundial Komérsiu
Ba jornalista Ministru Koordenador Asuntu Ekonomiku (MAKE) dehan iha nasaun 9 ne’ebé halo hela negosiasaun atu finaliza loke ita nia asesu ba merkadu, no ba sasan serbisu sira.
“Ita nia viziñu Australia suporta ita nia dezenvolvimentu ho ita nia parseiru Australia nia ajuda, ba iha prosesu tomak iha nivel ulateral ne’ebé Timor-Leste hakarak partisipa, akordu ida ne’e nia konteúdu mak Timor-Leste tenke loke akordu ho Australia, atu loke sira nia merkadu, no ita tenke loke odamatan ba movimentasaun, mobilitas serbisu ba ema, no produtu sira iha Timor-Leste ho Australia bele tama ho tratamentu ne’ebé hanesan”, Dehan Ministru Joaquim Amaral ba jornalista sira iha Salaun Timor Plaza, CBD3, Edifísiu Sekretariadu Organizasaun Mundial Komersiu, 15/07
Akordu ida ne’e parte husi rekizitu no tenke kumpre bainhira atu sai membru Organizasaun Mundial Komersiu (OMK). Joaquim dehan husi asina akordu ida ne’e, fo sinál importante ho parseiru sira seluk, no iha ona lista kontaktu hodi bele halo negosiasaun lalais
“Organizasaun mundiál Negósiu produtu sira ne’ebé depende ba iha merkadu nia nesesidade, se ita iha produtu primeiru ne’ebé sai hanesan komuditi importante, bele asesu ba merkadu ba iha nasaun sira ne’ebé halo ona akordu, loke dalan ba setór privadu sira, para hare oportunidade hodi prepara an, tanba merkadu ne’ebe loke laos hare deit ba produtu maibe ba serbisu kompañia konsultóriu sira, bele asesu ba serbisu profesional, hodi bele faan sira nia sasán iha merkadu Timor-Leste”, dehan Ministru Joaquim
Entretantu Embaixadora Australia, William Costello fo hanoin katak Timor-Leste bele hetan membru iha nivel merkadu, apoiu asesu merkadu mundiál, kapasidade iha merkadu hotu-hotu atu improva, apoiu asesu ba merkadu mundial iha nivel ho asaun sira seluk.
