Home Notisia OJE 2020 Sei Submete Ba PN, Angelica: Foka Iha Area Estrada, Eskola...

OJE 2020 Sei Submete Ba PN, Angelica: Foka Iha Area Estrada, Eskola no Saude

562
0
Diskusaun konaba OJE 2020 no 2021 iha FONGTIL. [Foto: Francisco JDA | 09.09.2020]

Reportazen Francisco JDA

“Aprovasaun orsamentu ho montante $1.497.1 biliaun ne’ehare ba enkuadramentu governu, katak kontinua ho nia prioridade ba osan tinan 2020, mak hanesan estabiliza seitor social ne’ebe foka ba saude, edukasaun, formasaun agual potavel no saneamentu baziku. Ba seitor ekonomiku sei fasilit ainvestimentu liu-liu iha seitor privadu hanesan micro empreza”. Diretor Planeamentu Finansas

Forum Organizasaun Naun Governamental Timor-Leste (FONGTIL) halao diskusaunkona kona ba benefisu Orsamentu Estadu ba tinan 2020 no 2021, oinsa ho nia implementasaun ne’ebe hataten katak orsamentu 2020 sei konklui iha loron 15 Septmebru, nune’e iha loron 15 Outubru sei submete ba Parlamentu Nasional.

Liu hosi diskusaun refere, Diretor Planeamentu Finansas, Epifanio Carvalho esplika katak aprovasaun orsamentu ho montante $1.497.1 biliaun ne’ehare ba enkuadramentu governu, katak kontinua ho nia prioridade ba osan tinan 2020, mak hanesan estabiliza seitor social ne’ebe foka ba saude, edukasaun, formasaun agual potavel no saneamentu baziku. Ba seitor ekonomiku sei fasilit ainvestimentu liu-liu iha seitor privadu hanesan micro empreza.

Estabilizasaun ne’e retein nafatin iha situasaun ida ne’ebe ita hare katak COVID-19 ne’e fo impaktu oituan ba atividade, oinsa atu retein para dezempregu ne’e labele aumenta. Governu tenta nafatin medidas ne’ebe posivel, para seitor privadu sira ne’e bele mantein, nune’e kampu servisu ba ita nia maluk sira ne’e labele lakon, seitor agrikulktura no seguransa alimentar oinsa iha situasaun sira hanesan ne’e, bele iha rendimentu ba ita nia populasaun sira”, esplika Diretor Planeamentu Finansas Epifanio Carvalho, iha salaun FONGTIL,09/09

Diretor Epifanio Carvalho reforsa tan katak iha prosesu tekniku kona ba dotasaun orsamentu temporariu Janeiro too Jullu, ne’e konsidera hanesan atual, maske dadaun ne’e too ona fulan Setembro nune’e orsamentu ne’e tenki annual laos trimestral.

Nia dehan maibe iha dezafiu balun ne’ebe tekniku sira hasoru mak elaborasaun orsametu normal ne’e tenki to’o fulan hitu, tanba hahu hosi konsultasaun planu estrategiku no ministeriu hotu tenki mai aprezenta ninia planu estrategiku no kompostu ba saida deit.

Iha fatin hanesan, Presidente Komisaun C, Maria Angelica Rangel esplika katak hosi orsamentu 2020 tuir pontu de vista, dezenvolvimentu ba iha povu ne’e mak iha area infrastrutura, Estrada, eskola no centru saude, atu nune’e povu ne’e bele hetan asesu hodi lori nia produtu mai iha merkadu, maibe orsamentu jeral estadu la iha, entaun nia benefisu la iha tanba povu la husu osan ba governu, maibe husu mak dezenvolvimentu.

“Lei orsamentu estadu ne’e iha anualidade katak orsamentu ne’e ba tinan ida, lei mos fo dalan kuando orsamentu ne’e la iha ita bele uza osan duodesimal, dekanu balun koalia dehan $1.4 billiaun ne’e governu bele ezekuta hotu ka lae, ne’e ita nia kompresaun sala maibe $1.4 billiaun  ne’e ita uza ona, konta hosi Janeiro mai duodesimal ne’e no fulan-fulan ita foti”, hateten Presidente Komisau C Maria Angelica Rangel.

Iha diskusaun ne’ebe organiza hosi FONGTIL hetan partisipasaun mos hosi Sosiedade sivil hanesan reprezentante La’o Hamutuk no Prezidente KKFP, Juvinal Dias.

LEAVE A REPLY

Please enter your comment!
Please enter your name here