Reportajen Joselina dos Santos
Sekretária Estadu Igualdade (SEI), hetan vizita husi Primeiru Ministru (PM), Kay Rala Xanana Gusmão, iha edifisiu SEI Kaikoli, Objetivu husi vitiza ne’e, PM hakarak haree direta ba kondisaun edifisiu hodi garante kualidade Funsionáiu Publiku sira nia servisu ba promosaun igualdade iha futuru.
Sekretária Estadu Igualdade (SEI), Elvina Souza Carvalho, hateten, onra boot ida ba SEI tanba foin primera vez hetan vizita husi PM, obejtivu husi vizita ne’e atu haree kondisaun ril no kondisaun fizika edifisiu nian. Tanba kondisaun dadaun ne’e la dun seguru ba funsionáriu sira hodi hala’o atividade loron-loron.
“Ami mós simu orientasaun husi PM katak servisu makaas no intensifika ami nia servisu ba Igualdade nian nomós ba hasa’e kaulidade feto no labarik feto sira iha área oin-oin. Vitiza ida ne’e mós fó matak malirin ba ami atu bele halao misaun ba iha promosaun igualdade jéneru atu asegura dezenvolviementu iha área oin-oin tanba ita hatene katak SEI iha kompetenisa propria ba promosaun igualdade nia,” dehan SEI Elvina, hafoin Visita Husi PM iha Salaun SEI Kaikoli, 11/11..
Governante ne’e haktuir, SEI mós iha planu ba Orsamaentu Jeral Estadu (OJE), iha tinan 2024, atu inisia konstrusaun ba Edifisiu foun mais ne’e la’os ba SEI deside deit, maibé ne’e kabe ba liña ministerius sira atu deside. SEI fiar katak ho Vizita husi PM ne’e fó ona Lampu Hijau ba konstrusaun edifisiu.
Iha fatin hanesan, Primeiru Ministru Kay Rala Xanana Gusmão, apresia ba SEI nian servisu nune’e husu atu labele haree deit ba feto ida no mane ida, maibé tenke tau prinsipiu iha ulun kona-ba kualidade hodi haree ba feto no labarik feto sira-nia futuru.
“Alkansa ho imi-nia prinsipiu ho kualidade, Iha tinan 2024 buka hatene profisionais labele haree ba pozisaun ema hotu tenke hanesan, ha’u haree imi komesa servisu ona hodi kapasita feto sira liuhosi kualidade, maibé lalika fó empoderamentu tenke servisu ho diak atu haree ba loron ikus nian,” Tenik Xefe Governu.
