Reportajen David da Costa Gusmao
Ministeriu Saude (MS) liu husi Sala Situasaun Centru Integradu Jestaun Krize (SS-CIJK) ohin rejista pasiente Covid-19 nain 20 grave, no nain 3 uza Ventilador.
Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste, Dr. Rui Maria de Araújo, informa iha loron 23 Agostu tinan ne’e iha izolamentu Vera Cruz ho Lahane halo tratamentu ba kazu detetadu nain 60.
“Hosi kazu detetadu nain 60 ne’e, Iha área obstetrisia nain 9, medisina interna nain 40, sirurjia nain 4 no pediatria 5, perinatolojia 2,” Dr. Rui esplika liu hosi komunikadu imprensa ne’ebe Neon Metin asesu iha loron, Segunda 23/08.
Nia dehan sira nain 9 iha obstetrisia, kategoria leve hotu, no nain 40 iha medisina interna, 20 kategoria grave (3 uza ventilador,1 ho CPAP-Continuous Positive Airway Pressure, 16 ho oksijéniu), nain 13 kategoria moderadu, no nain 7 kategoria leve.
Nai haktuir nain 4 iha sirurjia, kategoria leve hotu, nain 5 iha pediatria, kategoria leve hotu no nain 2 perinatolojia, kategoria leve hotu.
Nia dehan, hosi horiseik mai ohin loron 8 Agostu tinan ne’e, Laboratóriu Nasionál Saúde halo testes Polymerase Chain Reaction (PCR) hamutuk ema nain 238 iha Dili, no horseik iha munisipiu sira seluk, REAOA ho HNGV halo teste PCR ba ema hamutuk 354.
Entretantu dados jeral ba COVID-19 ohin loron 23 Agostu tinan ne’e, kazu foun 187, kazu rekuperadu 67, kazu ativu baixa 3,383, kazu óbitu hamutuk 49 no total kazu konfirmadu kumulativu sura husi 21 Marsu 2020 to’o mai ohin loron 23 Agostu tinan ne’e hamutuk 14,403.
