Reportazen Santina Lucia da Costa
Primeiru Ministru, Taur Matan Ruak kontinua halo enkontru regular ho Prezidente da Republika hodi informa lalaok no atividade governu nian ne’ebe halao ona.
Hafoin remata enkontru, Primeiru Ministru Taur Matan Ruak esplika ba jornalista sira katak iha enkontru regular ne’e Primeiru Ministru informa konaba osan duodesimu ba fulan Fevereiru nian
“Fulan ida ne’e ita iha orsamentu $116 milloens, hanesan mós iha fulan kotuk, fulan kotuk ita iha kapasidade ezekusaun la to’o 50%, espera katak fulan ida ne’e ita to’o iha ne’eba”, hateten Primeiru Ministru Taur Matan Ruak, iha palacio prezidensia, 06/02.
Taur Matan Ruak hatutan katak kapital menor mak laiha, mais transferensia publika, bens serbisu, kapital dezenvolvimentu no mós salariu kresimentu ne’e iha, klaru nia kuantidade ne’e ki’ik ,tuir Primeiru Ministru selu buat ne’ebé mak governu bele, tanba orsamentu ne’e duadesimal.
