Home Notisia PM TMR Hato’o Agradese Ba PM NZ nian Apoiu Tanba Evakua Estudantes...

PM TMR Hato’o Agradese Ba PM NZ nian Apoiu Tanba Evakua Estudantes 17

280
0
Primeiru Ministru Taur Matan Ruak iha palacio prezidensia [Foto: Santina Lucia da Costa | 06.02.2020]

Reportazen Santina Lucia da Costa

Primeiru Ministru Taur Matan Ruak halo enkontru regular ho Prezidente da Republika, Dr. Francisco Guterres Lu Olo, hodi aprezenta atividade semanal governu nian.

Hafoin enkontru Primeiru Ministru esplika ba jornalista konaba serbisu balun ne’ebe governu halo relasiona ho preparasaun governu nian hodi halo prevensaun ba iha virus Corona.

“Ita halo rezolusaun ida atu prevene no kontrola virus ne’e mai iha ita nia rai, no regulamentu Sanitariu Internasional bele orienta para serbisu tuir. De faktu kontrola movimentu sidadaun sira nia mai ita nia rain, no ita interdita temporariamente ema ne’ebé mai husi China atinjidu mai iha ita nia rain, ita husu para tenke testadu mediku, enserteja mai iha ita nia rai virus ne’e la afeita, karik sira presija karantina sira tenki ba”, esplika Primeiru Ministru Taur Matan Ruak, iha loron Kinta-feira, 6/02/2020, iha Palasiu Prezidensial Nicolau Lobato.

Primeiru Ministru hatutan, governu halo esforsu hodi evakua estudante timoroan sira na’in 17, husu apoiu ba país barak maibe la konsege, ita hanoin atu ba foti rasik maibé finalmente Timor hetan iha apoiu husi povu Nova Zelandia, no konsege lori sira hosi Wuhan.

“Primeiru Ministru hakarak lori governu estadu Timor nia naran, agradese ba Primeiru Ministru Nova Zelandia no povu Nova Zelandia, tanba bele fó apoiu ba ita nia estudante sira iha momentu situasaun ida ne’ebé difisil”,  tenik TMR.

Taur informa tan,  estudantes sira tenki hela iha ne’eba durante loron 14, depois loron 14 mak laiha buat ida, bele evakua mai Timor.  Se karik iha problema ruma, sei iha asistensia tanba Timor laiha zona izolamentu karantina nian.

 

Print Friendly, PDF & Email

LEAVE A REPLY

Please enter your comment!
Please enter your name here