Home Notisia KFP Kontinua Suporta SECOMS iha Ambitu Formasaun

KFP Kontinua Suporta SECOMS iha Ambitu Formasaun

71
0
Presidente KFP, Faustino Cardoso hato'o nia diskursu iha formasaun (Foto: Frans JDA)

Reportajen Francisco JDA   

Komisaun  Funsaun Publika kongratula SECOMS, INDMO no Seftec tanba iha kontinuidade formasaun hosi Seftec no hare ba papel estratejiku midia iha ambitu konsolido no konstrusaun do estado, desenvolvimentu ba nasaun, sai parseiru ida ne’ebe ho funsaun importante tebes ho governo nune’e bele haklaken informasaun ajuda povo sai hosi obskurantismo.

Presidente funsaun Publika Faustino Cardoso Gomes hato’o lia hirak ne’e iha nia diskursu wainhira Seftec no SECOMS atribui sertifikado ba formando hosi Ministerio inklui finalista  sira iha area video Digital, hakerek imprensa, no seluk tan. Kongratula SECOMS ne’ebe konsege asegura kontinuidade visaun no misaun nune’e mos kontinua suporta no kria kondisaun ba ambitu formasaun sira

“Iha prosesu ida ne’e parte hosi estadu parseria importante, hodi komisaun funsaun publika nia naran kongratula, parabens mos ba INDMO ne’ebe sempre akompana, partisipa sai nu’udar parseiro estratejiku ida hodi sertifika klasifikasaun ba formasaun ne’e rasik,” Faustino esplika iha fatin formasaun, horiseik, 6/12.

Faustino mos dehan formando sira ne’ebe hetan sertifikadu hosi Seftec ho nivel 4 hatudu katak ho nivel ne’ebe aas. Parseiro ida ne’ebe diak kongratula ba servisu hamutuk ida ne’e nune’e KFP suporta nafatin maibe depende ba politika

“Ohin hato’o ba ita hotu formando hamutuk 119 hosi ida ne’e 46% ita bele dehan 55 komposto hosi feto. Ne’e progresu positivu ida tanba tendensia, hau akompana, feto ninia atensaun ba media ne’e mos aas, ne’ebe la lakon ho mane sira. Exatamente  porcento ne’ebe hato’o ne’e  refleta momos tendensia ida ne’e,” tenik Fautino Cardoso.

Iha fatin hanesan Direitora Nasional INDMO Isabel Fernandes  de Lima,  afirma papel importante hosi INDMO oinsa atu bele tulun no ajuda Timor oan hotu, nune’e bele hasae koinesimentu, kapasidade  ba formasaun iha Jornalismo nian ne’ebe mak presisa liu.

“Atu asegura ba instituisaun ka sentru formasaun ida ne’e tenke iha fasilidade adekuadu atu bele fo formasaun. Wainhira koalia konaba Seftec ami fiar katak pelumenus iha komputador iha equipamentus ne’ebe iha relasaun ho area ida ne’e. Rekoinesimentu ne’e tanba iha eqipamentus iha duni atu halo formasaun ne’e,” Isabel  hatete.

Nia mos dehan tan sertifiksdu nivel 4 ho formasaun hosi Seftec  hare ba oras ne’ebe mak uja. Nune’e lori formadores bele sai prepara liu tan, desempnha resultado ne’ebe mak hetan atu garante nafatin ba  desempena iha servisu fatin.

LEAVE A REPLY

Please enter your comment!
Please enter your name here