Home Justisa Pe.Peter Hosi SVD Roma Vizita TL, Hodi Koalia Problema Pedofilia Iha Oe-Cusse

Pe.Peter Hosi SVD Roma Vizita TL, Hodi Koalia Problema Pedofilia Iha Oe-Cusse

590
0
Prokurador Jeral hosi Kongregasaun Society Verbi Divini [SDV], Padre Peter Dicos . [Foto: Francisco JDA | 05.12.2019]

Reporatazen Francisco JDA

“Hosi Vatikanu no SVD Roma, desidi ona katak nia la kompri ona regras politika no Leis SVD nian, ho nune’e mak ami deside katak hasai nia hosi padre, no la autoriza nia atu performano halo misa, hapara nia ba atividade relijiaun nian”. Pe.Peter

Prokurador Jeral hosi Kongregasaun Society Verbi Divini [SDV], Padre Peter Dicos halao sorumutu ho organizasaun sosiedade sivil iha Timor-Leste, hodi hametin liu tan parseria, hodi hare ba problema boot ne’ebé akontese iha Timor-Leste, relasiona ho kazu abuzu sexual ka pedofilia ba labarik.

Liu hosi sorumutu ne’ebe halao iha FOKUPERS, Farol Dili, representante organizasaun FOKUEPRS hateten, prezensa Padre Peter nian hanesan naroman ida ne’ebé mak haroman fila fali ba sosiedade sivil, atu hare ba ema vuneravel sira ne’ebe hasoru abuzu sexual.

Tuir Prokurador Jeral iha sorumutu refere ne’e esplika katak iha vizita ida ne’e, hodi hare asumtu espesifiku konaba kazu abuzu sexual ne’ebé akontese iha Oe-cusse, ne’ebe involve hosi eis Padre ho naran inisial RD, no fo ona xamada de atensaun atu sai hosi fatin Oe-cusse no mai hela iha SVD Kuluhun.

“Ami halo ona xamada de atensaun ba eis Padre ne’e, atu sai hosi Oe-cusse no ba hela iha SVD kuluhun, wainhira mai iha kuluhun hafoin halo prosesu ka julgamentu, sei halo investigasaun, hosi prosesu sira ne’e hotu, hosi Vatikanu no SVD Roma, desidi ona katak nia la kompri ona regras politika no Leis SVD nian, ho nune’e mak ami deside katak hasai nia hosi padre, no la autoriza nia atu performano halo misa, hapara nia ba atividade relijiaun nian”, dehan Pe. Peter, 04/12.

Pe.Peter hatutan katak dezisaun ne’ebé foti bazeia duni ba deklarasaun eis padre ne’e rasik, wainhira konfesa 100% katak komete duni halo abuzu sexual ba labarik menoridade sira. Relasaun sexual ne’ebé komete hosi eis padre, hosi kongregasaun SDV ne’e rasik foin akontese iha Timor-Leste. nune’e sai hanesan lisaun boot ida ba sira, tanba ne’e presisa halo prosesamentu ba Leis ne’ebé esiste tuir Lei kanoniku.

“Kazu ida ne’e primeira ves ho ultimo katak sei la akontese tan, maibe hau mos la garantia, ida ne’e esperansa boot sei la akontese tan, no la garante tanba sei iha tan kazu balun ne’ebé involve hosi padre sira”, tenik Pe.Peter.

Iha fatin hanesan, Direitora FOKUPERS, Maria Jose Guteres hateten, governu Timor-Leste liu hosi Ministeriu Solidariedade Sosial e Inkluzivu [MSSI] halao ona prosesu ida oinsa mak atu hare ba situasaun labarik sira nian, liu-liu vitima no sasin potensial sira.

“Ita atu hare sira nia direitu, atu kontinua sira nia estudu, tanba sira barak hetan apoio hosi doadores sira ba iha orfonato refere, ho prosesu ida atu hadia fila fali estrutura ida ne’e fo fali tempu ba doadores sira atu kontinua apoiu, maibe presiza hare ba ninia estrutura legalmente tenke hetan aprovasaun hosi Ministerio Justisa”, esplika Maria Guterres

LEAVE A REPLY

Please enter your comment!
Please enter your name here