Home EduTek UNESCO ho KI fo Apoio Formasaun Multimedia ba DKS UNITAL

UNESCO ho KI fo Apoio Formasaun Multimedia ba DKS UNITAL

133
0
Partisipantes, formador, no representante KI no mos UNESCO foto hamutuk iha tempu abertura (Shanti L. da Costa)

Santina L. da Costa

Estudante UNITAL, Fakuldade Siensia Sosiail no Politik (SosPol), Departamentu Komunikasaun Sosial (DKS), hetan formasaun multimedia  durante semana rua, hahu hosi 17 Jullu to’o 30 Jullu 2018.  Formasaun ne’e hetan apoiu husi UNESCO no Konsellu Imprensa (KI).

Iha abertura formasaun ne’e, Xefe Departementu DKS, Martinho Mendes expresa katak formasaun ne’e iha valor bot tebes ba estudante sira, no nia agredese ba Konsellu Imprensa ba sira nia tulun hodi realiza formsaun ne’e. “Ba dalauluk, hau hato’o bemvindu ba formador Imam Wahyudi. Hau agradese mós ba KI, la ho sira nia apoiu, atividade formasaun sei labele lao, hau imajina, tanba sá bele akontese (formasaun-red) ida ne’e mezmu ki’ik maibé iha signifika ne’ebé boot.” Dehan Xefe DKS, Martinho Mendes liu husi nia diskursu hodi loke formasaun, iha 16/07, iha Edifisiu ONU nian iha Caicoli, Dili.

Martinho Menezes, hameno ba estudantes DKS UNITAL sira katak, aproveita didi’ak oportunidade ne’ebé mak peritu KI Indonesia , Imam Wahyudi sei oferese durante semana rua nia laran. Xefé departamentu komunikasaun social ne’e mós hato’o obrigadu wa’in ba prezensa formador Konsellu Imprensa Indonesia nian, tan bele ajuda mós sira nia departamentu. Nia mós rekonese katak DKS UNITAL iha limitasaun liuliu iha rekursu umanu, inklui mós estudante sira nia limitasaun.

Reprezentante KI Diretora Ezekutiva Ana Siqueira, iha nia intervensaun hateten, KI iha atu fó apoiu mós ba DKS UNITAL nune’e mós UNTL. Tanba ida ne’e KI dalabarak mós koalia ho UNESCO hodi fó oportunidade ba estudantes sira tanba konsidera iha sala laran aprende teoria barak maibé abilidade ladun barak. Ita lao neneik importante ita atinji buat balun.

“Konsellu imprensa kontenti teb-tebes ikus mai atividade ne’e bele realiza, dalabarak tur hamutuk ho UNESCO, maibé ne’e sai duni realidade, buat ne’e mak ita hakarak mak ne’e oportunidade ba estudantes sira ita bo’ot sira iha aula laran aprende teoria barak maibé abilidade menus tan ida ne’e KI tur hamutuk ho UNESCO, no UNESCO hakarak apoiu to’o ikus sai duni realidade.” Katak Diretóra Exekutiva KI.

Diretóra Ana Siqueira espera katak ho formasaun ne’e bele hasa’e abilidade iha parte pratika nian. Iha ninia intervensaun Diretora ne’e agradese apoio UNESCO nian no formador ne’ebe mai hosi KI Indonesia.

Iha fatin hanesan reprezentante UNESCO, Shinsuke Nakamura afirma katak media nia funsaun ba nasaun importante tanba ne’e estudante departamentu komunikasaun social nia funnsaun mós importante.

“Timor-Leste iha joven barak maibé nasaun barak laiha oportunidade hanesan ne’e imi nia estudu sei kontribui ba nasaun nia demokrasia,hau espera katak imi bele aprende ho didi’ak.” Akresenta reprezentante UNESCO ne’e.

Formasaun refere sei fó husi formador Dewan Pers(Konsellu Imprensa) Indonesia, Imam Wahyudi no partisipa hosi estudantes Departementu Komunikasaun Sosial sira.

 

 

 

LEAVE A REPLY

Please enter your comment!
Please enter your name here