Home Saude 8 Juñu, Deteta Kazu foun COVID-19 Total 98, Rekuperadu 214 no...

8 Juñu, Deteta Kazu foun COVID-19 Total 98, Rekuperadu 214 no Mate nain Ida

308
0
Ekipa vijilansia epidimiolojia. [Foto: Copyright A Bola | 19.04.2020]

Reportajen David da Costa Gusmao

Ministeriu Saude (MS) deteta tan kazu konfirmandu COVID-19 iha loron 8 Juñu hamutuk 98, nain ida mate, rekuperadu hamutuk 214 no kazu ativu hamutuk 2115.  

Koordenador Forsa-Tarefa ba Prevensaun no Mitigasaun Surtu COVID-19 iha Timor-Leste, Dr. Rui Maria de Araújo informa katak kazu foun ne’ebé deteta ba ohin loron  8 Juñu hamutuk 98, iha Dili 80, iha Munisipiu seluk 18, hosi foun ne’ebé mak ohin deteta ne’e mane 47, feto 51.

Nia haktuir ohin iha mos kazu rekuperadu hamutuk ema nain 214, no no kazu ativu iha izolamentu hamutuk ema nain 2115, total kazu konfirmadu kumulativu sura hosi loron 21 Marsu 2020 to’o ohin loron hamutuk ema na’in 7862.

Nia esplika ohin loron  8  Juñu tinan ne’e mós iha mate ida  ho detalle hanesan tuir mai mane, idade tinan 86, timoroan hela iha aldeia Lirio, Suku Motael, Postu Administrativu Vera Cruz, Dili. Matebian iha istória moras kankru ho mós moras króniku seluk.

Iha 30 Maiu deteta pozitivu SARS-CoV-2, hafoin membru família balun pozitivu iha 26 Maiu. Familia husu autorizasaun atu halo izolamentu terapéutiku domisiliariu (ka auto-izolamentu iha uma rasik), maibé matebian i’is-kotu iha uma iha loron 7 Juñu 2021. Familia ho ekipa saúde sira prepara, hodi halo funeral tuir protokolu óbitu ba kazu COVID-19, ne’ebé adopta iha Timor-Leste.

Hosi horiseik mai ohin, loron 8 de Juñu ne’e, hosi Laboratóriu Nasionál Saúde halo testes PCR  ba ema hamutuk nain 994 iha Dili.

Print Friendly, PDF & Email

LEAVE A REPLY

Please enter your comment!
Please enter your name here