Home Notisia Covid-19, 85% Kazu Konfirmadu no Provavel Nudar Kazu Asintomatiku no 100% Kazu...

Covid-19, 85% Kazu Konfirmadu no Provavel Nudar Kazu Asintomatiku no 100% Kazu Lijeiru

315
0
Ilustrasaun virus Corona. [Foto: Copyright google | 07.03.2020]

Reportazen Zevonia Vieira

Centru Integrada Jestaun Krize [CIJK] relata konaba moras Covid-19 iha Timor-Leste, liu hosi konferensia imprensa iha centru media, portavoz CIJK, Dr. Rui Arujo informa katak 85% hosi kazu konfirmadu no provavel mak kazu asintomatiku ka la hatudu sintomas no 100% tama iha kategoria klinika lijeiru ka la grave.

“To’o oras ne’e, sira ne’ebe rekuperadu ka kuradu ona, em meda lori tempu semana tolu to’o semana haat. Prosesu rekuperasaun katak tempu hosi loron ne’ebe hahu deteta virus, to’o nia negative dala rua tu-tuir malu, bele lori semana tolu to’o semana lima”, hateten Dr. Rui Araujo iha CCD, 02/05.

Dr. Rui mos husu ba famlia hosi sira ne’ebe sei iha isolamentu Vera Cruz, atu kalma no pasensia hodi fo tempu atu sira negative loloos ona mak foin fila ba uma.

Kazu konfirmadu ikus liu ne’ebe CIJK anunsia ba publiku maka iha loron 24 Abril 2020. Iha loron 8 ikus nia laran laiha kazu foun no kazu rekuperadu aumenta hosi ida ba 20.

Dr. Rui Araujo informa ba publiku katak focus hosi esforsu ba prevensaun no mitigasaun Covid-19 iha semana hirak tuir mai mak kontinua hila triajem no vijilansia sentinela, iha fasilidade saude sira iha Timor-Leste nia laran, hodi be foti amostra espesime ba analize laboratoriu, hanesan hahu halo tiha ona iha Liquisa.

“Ekipa Ministeriu Saude nian reforsa liutan ona organizasaun pilar internu sira, iha forsa tarefa saude nia laran atu bele implementa tarefa ida ne’e ho susesu no oras ne’e desloka on aba munisipiu sira hotu, atu prepara fasilidade saude sira, hodi bele foti amostra espesime ba analize laboratoriu hahu semana oin”, esplika Dr. Ruia Araujo.

Print Friendly, PDF & Email

LEAVE A REPLY

Please enter your comment!
Please enter your name here