Home Notisia Kazu Joven Mate Iha Sela Kaikoli, Família Matebian Ezije Fó Sai Lalais...

Kazu Joven Mate Iha Sela Kaikoli, Família Matebian Ezije Fó Sai Lalais Rezultadu Autópsia

539
0
Grupu Juventude Timor-oan hamutuk ho família Matebian José Bernardo de Jesus Soares. [Foto: Joselina | 24.01.2023]

Reportajen Joselina Dos Santos

Grupu Juventude Timor-oan hamutuk ho família Matebian José Bernardo de Jesus Soares, ne’ebé maka mate iha Sela Polisia Nasionál Timor-Leste (PNTL) Kaikoli, ezije PNTL ho Ministériu Saúde, liuliu ne’ebé maka responsavel ba autópsia, atu fó sai rezultadu orijinál ezame médiku ne’e ba família matebian.

Liu husi Konferensia Imprensa,  Porta Voz Grupu Juventude Moreno Liberto Oliveira da Costa, dehan presiza joven barak mate iha PNTL nia liman, atu bele loke órgaun soberanus sira nia matan, nune’e bele hapara PNTL sira nia atitude ne’ebé sai fali Inimigu ba juventude rai-laran,  atu keta arkiva no investiga didiak no detalhadamente  liu-liu aselera investigasaun ba José Bernardo de Jesus Soares nia mate iha sela PNTL Kaikoli.

“Ami Juventude Timor oan la satisfás ho kazu joven Matebian José Bernardo de Jesus Soares ne’ ebé ita hotu hatene mate iha sela PNTL kakoli iha loron 1 Setembru 2022 ho oras tuku 7:00 kalan liu minute 20, Ami husu urjente tebes atu kria komisaun independente ba Órgaun Soberanu atu investiga kazu refere”, Dehan Porta Voz Grupu Juventude Moreno Liberto Oliveira da Costa, liuhusi Konferénsia Imprensa iha Hotel Luz Klarita, Tersa 24/01.

Nuneé sira husu ba Lider nasionál Xanana Gusmão, Prezidente da Republika, Dr. Jóse Ramos Horta, Prezidente Parlamentu Nasional, Aniceto Guterres,  Prezidente Tribunal Recursus, Deolindo dos Santos ho  Primeiru Ministru  Taur Matan Ruak, atu investiga  liu-liu aselera investigasaun ba matebian José Bernardo de Jesus Soares, ne’ebé  mate ho Kkondisaun la justu, nune’e mós reuzltadu autopsia  la fó sai to agora.

“Bainhira nia hakotu is/mate husi parte polisia nian la informa uluk ba familia, maibe bolu fali ambulansia mak ba uluk, ida ne’e mós seidauk esklarese mai ami. Oinsa mak Polisia detein ami nia oan/alin José Bernardo iha sela laran,  mais to ikus mate fali iha sela laran. Sela hanesan fatin ne’ebé atu asegura ema la’os mate fali iha sela, sira dehan Kazu la’o hela maibé to’o agora atu Tama ba fulan 5 ona laiha rezultadu”, nia informa.

Nia haktuir, husi detalles sira ne’e familia hamutuk ho joven rai laran, la tau fiar ba instituisaun polisia kona-ba investigasaun ida ne’e? logika iha ne’ebé? familia mós ezije ba IPNTL no Ministeriu Saúde atu fó sai rezultadu orijinál ezame mediku ou autopsia ne’ebé  halo ona iha fulan 4 liu ba atu tama ba fulan 5. Husu mos ba Mediku ida ne’ebé momentu ne’eba responsavel ba autópsia refere, atu mos fo rezultadu ne’e ba familia matebian.

“Kazu ida ne’e halo povu rai klaran la hakmatek liu-liu ba ami joven, tanba kada vez PNTL iha Timor la’os atu tulun povu liu-liu joven sira maibé sai hanesan ameasa no inimigu bo’ot ba Joven Timor laran tomak. Kazu Jose Bernardo de Jesus Soares, Primeira Vez akontese iha Timor Mate iha sela PNTL kaikoli. Bainhira PNTL sai hanesan ameasa no inimigo ba Joven maibé kazu barak  mak akontese antes de ida ne’e, nune’e ami husu ba Orgaun Kompetente ne’ebé ami refere ona ohin atu ajuda oinsa kazu ne aselera atu hetan lalais dalan no naroman ba situasaun ida ne’e, tamba ema hotu hatene alin ne’e mate iha sela laran ho faktus ne’ebé lori Familia atu la konsege tau fiar ba PNTL”, Esplika nia.

Print Friendly, PDF & Email

LEAVE A REPLY

Please enter your comment!
Please enter your name here